| e-texts navigator |
| Wylie |
154a1 ལ།། བདག་གཞན་བགྲོད་པའི་སྒོ་གཉིས་ན།། ཕྱག་ན་རྡོ་རྗེའི་སྒོ་བ་བཞུགས།། སྟོན་པ་གཉིས་ཀྱི་ལྡེ་མིག་ནི།། ཕྱི་ནང་དག་པའི་གང་ཟག་ལ།། ཕྱི་ཡི་སྟོན་པ་ཤཱཀྱ་ཐུབ།། ནང་སྣང་དག་པའི་གང་ཟག
154a2 ལ།། ནང་གི་སྟོན་པ་རྡོ་རྗེ་འཆང་།། དུས་གསུམ་སངས་རྒྱས་དགོངས་པ་ཡིས།། འཇམ་དཔལ་སྒྱུ་འཕྲུལ་དྲ་བ་ཡི།། རྩ་རྒྱུད་སྡེབས་བཞིའི་ཁོང་སྡེབས་ན།། ཡང་དག་དོན་ལ་དྲིལ་ནས་འབྱེད།། མུ་ཁྱུད་བརྡ་སྒྲ་ངེས་པ
154a3 དང་།། ཛ་ལོག་གསུམ་གྱིས་བརྒྱན་པ་ལ།། སྒོ་མེད་སྦས་པའི་གཏེར་ཁྱིམ་དེ།། ཤིན་ཏུ་གསང་ནས་རྣ་རྒྱུད་འབྱེད།། དབུས་ཀྱི་ལྟ་བ་མཛོད་ཆེན་ལ།། མུན་པའི་འཁོར་སྒོ་ལ་སོགས་བཞི།། ཐེག་པ་བཞི་ཡི་ལྡེ་མིག
154a4 གིས།། ཕྱེ་ནས་མཛོད་དུ་འཇུག་པ་ཡང་།། མཁའ་འགྲོ་མ་བཞིའི་སྒོ་སྲུངས་ལ།། མཉེས་ནས་གཏེར་ཆེན་བསྟན་པ་ནི།། དང་པོ་ཤར་དུ་ངོ་སྤྲོད་རྒྱུད།། སྐུ་གསུམ་སྣང་བ་གསལ་བར་སྟོན།། ལྷོ་རུ་རིན་ཆེན་འོད་གསལ
154a5 བ།། དྲི་མེད་རྣམ་པར་དག་པའི་རྒྱུད།། ནུབ་ཏུ་ལྷུན་གྲུབ་ཇི་བཞིན་མ།། རྣམ་པར་དག་པའི་རྒྱུད་ཆེན་མཛོད།། བྱང་དུ་དྲི་མེད་རྣམ་དག་པ།། སངས་རྒྱས་དགོངས་པ་འདུས་པའི་རྒྱུད།། དབུས་ན་མཛད་ཆེན་དགོངས་པ
154a6 ནི།། དུར་ཁྲོད་ཕུང་པོ་འབར་བའི་རྒྱུད།། བྱེ་བྲག་རྒྱུད་ལྔའི་མཛོད་ཆེན་རྣམས།། སྤྱིར་ནི་གཅིག་ཤེས་ཀུན་གྲོལ་བ།། ཆོས་སྐུ་ཐིག་ལེ་ཉག་གཅིག་ལ།། གནས་ཚུལ་སྐུ་གསུང་ཡོན་ཏན་ལས།། སྟོང་གསལ་བདེ་ཡོན་མི
iiif viewer powered by OpenSeadragon
