| e-texts navigator |
| Wylie |
153b1 ཟག་གྲོལ་བྱའི་ཕྱིར།། དེ་ཕྱིར་ཐིག་ལེ་ཀུན་སྤྱོད་བཤད།། ཅེས་སེམས་ཕྱོགས་ཆེན་པོ་མཛོད་ཀྱི་རྒྱུད་ཡེ་ཤེས་ནམ་མཁའ་ལས། བཤད་རྒྱུད་ཆེན་པོ་བཞིའི་མཛོད་བསྟན་པ་སྟེ་ལེའུ་དྲུག་པའོ།། །། དེ་ནས་བཅོམ
153b2 ལྡན་འདས་ཀྱིས་སྒོ་རྣམས་རབ་ཏུ་འབྱེད་པར་བྱེད་པ་འདི་ཕྱི་རབས་ཀྱི་རྣལ་འབྱོར་པ་ལ་ལུང་རབ་ཏུ་གསལ་བར་གསུངས་སོ།། ཕྱི་ཡི་ལྕགས་རིན་པོ་ལ།། ཟླ་གམ་གཅིག་པའི་སྒོ་གནས་པ།། ཙཎྜ་ལོག་སྤྱོད་ཅན་གྱིས
153b3 བསྲུངས།། དེ་ཡི་ལྡེ་མིག་བསྟན་པ་ནི།། དོན་ལ་ཁོག་དབུགས་སྟོང་ཐུན་དང་།། དཀྱུས་ལས་སྤྱད་བསྡུས་དོན་དང་།། ཚིག་གི་འབྲུ་འཇོམས་ལྡེ་མིག་གསུམ།། སྒོ་འདི་ཕྱེ་ནས་བཤད་པ་ནི།། གང་ཟག་བཞི་ཡི་དོན་དུ
153b4 དགོངས།། བཤད་པའི་རྒྱུད་རྣམས་གྲོལ་བར་བྱེད།། ཁང་ཁྱིམ་བཅོ་བརྒྱད་ཕྱི་སྒོ་བདུན།། སྒོ་བ་སྤྲིན་གྱི་ཤུགས་ཅན་བདུན།། དེ་འབྱེད་པ་ཡི་ལྡེ་མིག་གསུམ།། རྒྱུད་དང་མན་ངག་ལུང་གསུམ་གྱིས།། ཕུན་སུམ་ཚོགས
153b5 པ་རྣམས་ལྔ་དང་།། དགོས་དོན་ལྔ་དང་མདོ་གཅོད་བདུན།། རྒྱུད་ལུང་མན་ངག་གསལ་བར་བྱེད།། གླིང་བཞི་སྲིད་པ་རང་བྱུང་ལ།། ཚད་མེད་བཞི་ཡི་སྒོ་ཤར་ནས།། དམ་པ་དཔལ་བཞིའི་སྒོ་སྲུངས་ཅན།། ལྡེ་མིག
153b6 བཞི་ཡིས་འབྱེད་འགྱུར་བ།། རིགས་གསུམ་མགོན་པོའི་དགོངས་པ་ཅན།། རིགས་ཁྱབ་རྡོ་རྗེ་སེམས་དཔའ་ཡི།། དགོངས་པ་ཐིག་ལེ་མཐར་ཐུག་པ།། རང་བྱུང་སྲིད་པའི་འཁོར་ལོ་འབྱེད།། ཁང་ཁྱིམ་བཞི་ཡི་རྩ་བ
iiif viewer powered by OpenSeadragon
