| e-texts navigator |
| Wylie |
152a1 ནས།། དེ་བཞིན་གཤེགས་པའི་ཆོས་ལྔ་དང་།། བྱང་ཆུབ་སེམས་དཔའི་ཆོས་བདུན་དང་།། ཏིང་འཛིན་ལྟ་བུའི་སྲོག་ཤིང་དྲུག། སྤྱན་རས་གཟིགས་ནི་སེང་གེ་སྒྲ།། སྲིད་པའི་འཁོར་ལོ་གསུམ་པ
152a2 ཡིན།། སེང་གེ་འཁྱིལ་བའི་དགོངས་པ་ལས།། ཕྱི་ནང་གསང་བ་སྒྲུབ་པ་ནི།། རྟག་བཞི་བདུད་བཞི་རྒྱས་གདབ་བཞི།། གངས་ལ་ཉི་མ་ཤར་བ་དང་།། ཐོག་དང་གཟེར་དང་ཁྱུང་དང་ནི།། སྐར་མདའ་ལྟ་བུའི་མན་ངག
152a3 གིས།། ཕྱག་ན་རྡོ་རྗེ་མེ་ལྕེའི་འཕྲེང་།། སྲིད་པའི་འཁོར་ལོ་བཞི་པ་ཡིན།། རིགས་གསུམ་རིགས་ཁྱབ་སྤྱི་དང་བཞིས།། མུ་ཁྱུད་གྲོང་ཁྱེར་བཞི་ཡིས་མཛེས།། ཞེས་སེམས་ཕྱོགས་ཆེན་པོ་མཛོད་ཀྱི་རྒྱུད།། ཡེ་ཤེས་ནམ
152a4 མཁའ་ལས། ནང་གི་རྒྱུད་སྐོར་བཞི་གཏན་ལ་ཕབ་པའི་ལེའུ་སྟེ་བཞི་པའོ།། །། དེ་ནས་བཅོམ་ལྡན་འདས་དཔག་བསམ་གྱི་ཤིང་ལྗོན་ཤིང་རྒྱས་པའི་ཏིང་ངེ་འཛིན་ལ་བཞུགས་ནས་འདི་གསུངས
152a5 སོ།། དཔག་བསམ་ཡོངས་སུ་ས་བརྟོལ་ཤིང་།། རྩ་བ་རྣམ་པ་ལྔར་ཟུར་པ།། པདྨ་འཁྱིལ་པ་སྐུ་ཡི་རྒྱུད།། ཆོས་དབྱིངས་ཡེ་ཤེས་བསྟན་པར་བྱེད།། རྡོ་རྗེ་རྩེ་མོ་གསུང་གི་རྒྱུད།། སོ་སོར་རྟོགས་པའི་ཡེ་ཤེས
152a6 གཅོད།། རིན་ཆེན་དཔུང་པ་ཐུགས་ཀྱི་རྒྱུད།། མེ་ལོང་ལྟ་བུ་ཡེ་ཤེས་གསལ།། བསོད་ནམས་བྱམས་པ་བརྩེགས་པ་ནི།། མཉམ་ཉིད་ཡེ་ཤེས་ཡོན་ཏན་རྒྱུད།། འཕྲིན་ལས་མཁའ་གསལ་ཉི་མ་ནི།། བྱ་བ་གྲུབ་པའི་ཡེ
iiif viewer powered by OpenSeadragon
