| e-texts navigator |
| Wylie |
151b1 ལྡན།། དགོངས་པ་ཕྱི་ནང་ཀུན་འདུས་པས།། འཇམ་དཔལ་དགོངས་པ་འདུས་པའི་མཚན།། ཆོས་ཀྱི་སྐུ་ལ་ལོངས་སྐུས་བརྒྱན།། ལོངས་སྐུ་ཡེ་ཤེས་རྣམ་ལྔས་བརྒྱན།། ཡེ་ཤེས་ཐུགས་རྗེ་སྦྲུལ་སྐུས་བརྒྱན།། སྐུ་གསུམ
151b2 ཡེ་ཤེས་ལྔ་ལྡན་ཅིང་།། འཁྲུལ་ཚུལ་གྲོལ་ཚུལ་བསྟན་པ་ནི།། འཇམ་དཔལ་ཡེ་ཤེས་རྒྱན་དུ་བཤད།། མཚན་གྱི་དོན་རྣམས་སྟོན་འགྱུར་ཞིང་།། རྒྱུད་ཀྱི་དགོངས་པ་མཚན་གྱིས་རྫོགས།། མཚན་དོན་སྟོན་པས་འཇམ
151b3 དཔལ་ནི།། ཁང་ཁྱིམ་གཅིག་གི་ནང་དུ་བཤད།། ཅེས་སེམས་ཕྱོགས་ཆེན་པོ་མཛོད་ཀྱི་རྒྱུད། ཡེ་ཤེས་ནམ་མཁའ་ལས། རྩ་བའི་རྒྱུད་སྐོར་བཞི་བསྟན་པ་སྟེ་ལེའུ་གསུམ་པའོ།། །། དེ་ནས་བཅོམ་ལྡན་འདས་ཀྱི
151b4 ནང་སྐོར་རྟོགས་པ་ཡེ་ཤེས་ཀྱི་འཁོར་ལོ་འདི་ཐུགས་ཀྱི་གསང་མཛོད་ཆེན་པོ་ནས་གསུངས་སོ།། དཔལ་ལྡན་རྡོ་རྗེ་སེམས་དཔའ་ཡིས།། ཐིག་ལེ་མཐར་ཐུག་དགོངས་པ་ཡིས།། གཞི་བཅས་ཐུགས་རྗེའི་ལྕགས་ཀྱུས
151b5 བཟུང་།། ཡེ་ཤེས་གསང་བ་འཁོར་ལོ་ཆེ།། སངས་རྒྱས་མཉམ་སྦྱོར་དགོངས་པར་བཅས།། སྲིད་པའི་འཁོར་ལོ་དང་པོ་ཡིན།། འཇམ་དཔལ་དྲི་མེད་སྙིང་པོ་ཡིས།། རྒྱུད་ལུང་མན་ངག་ཁོག་ཕུབ་ནས།། གཞུང་དུ་དྲིལ
151b6 བར་བྱ་བ་ཡང་།། སངས་རྒྱས་འདུས་པ་མན་ངག་རྒྱུད།། རྒྱུད་རྣམས་མན་ངག་ཐུགས་ཀྱི་གཏེར།། སྲིད་པའི་འཁོར་ལོ་བཤད་པ་ལས།། དྲི་མེད་སྙིང་པོའི་དགོངས་པ་ཡིན།། སྦུབས་གསུམ་དགོངས་པས་གཞི་བཟུང
iiif viewer powered by OpenSeadragon
