| e-texts navigator |
| Wylie |
149b1 ཡིས།། མ་ཧཱ་ཡོ་གའི་ངོ་སྤྲོད་བྱ།། བར་དོར་ལྔ་ལྡན་རྟོགས་པར་བྱེད།། སྦྲུལ་སྐུ་འོད་ཁྱིམ་ཁ་སྦྱོར་གྱིས།། ཨ་ནུ་ཡོ་གའི་ངོ་སྤྲོད་བྱ།། ཆོས་ཉིད་བར་དོར་རྫོགས་ལྡན་རྟོགས།། ཆོས་སྐུ་རིན་ཆེན་མན་ཤེལ་གྱིས།། ཨ་ཏི
149b2 ཡོ་གའི་ངོ་སྤྲོད་བྱ།། རིན་ཆེན་སྦུབས་སུ་དགོངས་པ་སྐྱལ།། ཐིག་ལེ་གསང་སྐོར་ངོ་སྤྲོད་ཀྱིས།། སྐུ་གསུམ་འདུ་འབྲལ་མེད་པའི་དོན།། ཉི་མའི་སྙིང་པོ་དག་ལ་སྤྲད།། རྫོགས་ལྡན་ཆེན་པོའི་དགོངས་པ་ཆོད།། དོན་གྱི
149b3 ངོངོ་སྤྱོད་ཐག་ཆོད་ལ།། རྟགས་ཀྱི་ངོ་སྤྲོད་ཡིད་ཆེས་ཏེ།། དཔེ་ཡི་ངོ་སྤྲོད་ངོ་ཤེས་པས།། བློ་ཡི་ཐེ་ཚོམ་ཆོད་པ་ནི།། གྲོལ་བའི་དགོངས་པ་དམ་པའོ།། བར་དུ་ཡེ་ཤེས་སྒྱུ་མའི་སྦུབས།། སངས་རྒྱས་བཞི་བཅུ་རྩ་གཉིས
149b4 སྐུ།། ཆོས་ཀྱི་སྤྱན་གྱི་འཁོར་འདས་གཟིགས།། དག་པ་འཇིག་རྟེན་སྣང་བ་འདིར།། སྤྲུལ་པའི་སྐྱེ་གནས་འགྲོ་དོན་མཛད།། འཁོར་བ་དག་ལས་གྲོལ་བ་ཡིན།། རྒྱུ་ལུས་མངོན་དུ་གྱུར་པ་ཡིན།། འཁོར་འདས་མངོན
149b5 སུམ་གཟིགས་པ་ཡིན།། ཆོས་སྐུ་རིན་ཆེན་གསང་བའི་སྦུབས།། ཡེ་ཤེས་མིག་གཅིག་དྲི་མ་མེད།། ཆོས་ལས་གྲོལ་བས་དགོངས་པ་ནི།། རྒྱུན་ཆད་མེད་པར་གནས་པས་ན།། བསམ་གཏན་བསམ་བྱ་བློ་ལྡན
149b6 མཆོག། ཏིང་འཛིན་ལུས་ཅན་ལུས་ཀྱི་མཆོག། ཡང་དག་ཡེ་ཤེས་སྣང་བ་ཡིན།། ཕྱི་དང་ནང་དང་གསང་བ་དང་།། གསང་ཆེན་མ་ལུས་བཤད་པ་དང་།། རྩ་བར་གྱུར་པ་མ་ལུས་ཀུན།། བཅུ་གཉིས་མན་ངག་འདུས་པ
iiif viewer powered by OpenSeadragon
