| e-texts navigator |
| Wylie |
149a1 བརྩོན་འགྲུས་ཀྱིས།། སྐལ་ལྡན་རིགས་ཀྱི་བུ་མཆོག་ཡིན།། འཇིག་རྟེན་བྱ་བ་བཏང་བྱས་ལ།། ཟོས་བསམ་སྒོམ་པ་སྣ་ཚོགས་ཀྱིས།། ཐིག་ལེ་གསང་སྐོར་བསླབ་པར་གཅེས།། ཕྱི་རབས་ཀུན་ལ
149a2 གདམས་པར་བཞག། ཅེས་སེམས་ཕྱོགས་ཆེན་པོ་མཛོད་ཀྱི་རྒྱུད། ཡེ་ཤེས་ནམ་མཁའ་ལས། མཛོད་རྩ་བའི་ལེའུ་སྟེ་དང་པོའོ།། །། དེ་ནས་བཅོམ་ལྡན་འདས་ཀྱིས་བརྡ་ངེས་པའི་ཏིང་ངེ་འཛིན་ལ་བཞུགས
149a3 ནས་འདི་གསུངས་སོ།། འདི་ལྟར་སངས་རྒྱས་བཅོམ་ལྡན་འདས།། རྫོགས་པའི་སངས་རྒྱས་ཨ་ལས་བྱུང་།། ཨ་ནི་ཡིག་འབྲུ་ཀུན་གྱི་མཆོག། དོན་ཆེན་ཡི་གེ་དམ་པ་ཡིན།། ཁོང་ནས་འབྱུང་བ་སྐྱེ་བ་མེད།། ཚིག་ཏུ
149a4 བརྗོད་པ་སྤངས་པ་སྟེ།། བརྗོད་པ་ཀུན་གྱི་རྒྱུ་ཡི་མཆོག། ཚིག་ཀུན་རབ་ཏུ་གསལ་བར་བྱེད།། ཡི་གེ་ཨ་ཡི་སྒྲ་འདི་ནི།། ཇི་སྙེད་ཆོས་ཀྱི་རྩ་བར་གསུངས།། མ་རིག་སྒོ་ངའི་སྦུབས་འབྱེད་པ།། སྲིད་པའི་དྲ་བ་འཇོམས
149a5 པོ།། ཉོན་མོངས་མ་ལུས་ཞི་བྱེད་པ།། འཁོར་བའི་རྒྱུ་མཚོ་ཕ་རོལ་ཕྱིན།། སྦུབས་ཞེས་བྱ་བའི་བརྡ་འདི་ཡིས།། འཁོར་བ་འདི་ལས་གྲོལ་གྱུར་ནས།། མྱ་ངན་འདས་པའི་གོ་འཕང་ཐོབ།། ངེས་པའི་དོན་དུ་བཤད་པ
149a6 ནི།། དང་པོར་རྣམ་རྟོག་བག་ཆགས་སྦུབས།། སྐུ་ནི་རྣམ་པ་གསུམ་དུ་གནས།། ཡེ་ཤེས་བཞི་རུ་གནས་པ་དང་།། ཤེས་རབ་སྤྱན་དང་ལྡན་པས་ན།། མ་དག་འཁྲུལ་པའི་སྣང་བ་ལ།། ལོངས་སྐུ་འདྲ་འབག་ཕྱེད་སྐུ
iiif viewer powered by OpenSeadragon
