| e-texts navigator |
| Wylie |
148a1 རྒྱ།། ཐེག་པ་མ་ལུས་ཐམས་ཅད་ཀུན།། ཕྱག་རྒྱ་བཞི་ཡིས་རྒྱས་གདབ་བོ།། མུན་པའི་འཁོར་སྒོར་སྣང་བ་ནི།། འགྲོ་བ་དྲུག་དང་མུ་སྟེགས་གཉིས།། སྤྱོད་པའི་འདྲེན་སྒོར་སྣང་བ་ནི།། སྦྲུལ་སྐུའི་དམ
148a2 ཆོས་ཉན་རང་སེམས།། ཐབས་ཀྱི་སྦྱོར་སྟོར་སྣང་བ་ནི།། ཀྲི་ཡ་ཨུ་པ་ཡོ་ག་ཉིད།། ངེས་པའི་གསང་སྒོར་སྣང་བ་ནི།། བསྐྱེད་དང་རྫོགས་དང་རྫོགས་པ་ཆེ།། སྒོ་བཞི་དག་ནས་ཞུགས་པ་ཡིས།། མཉམ་པའི་སྤྱི་མཛོད
148a3 ཆེན་པོར་འགྲོ།། གཟུང་བ་ཡུལ་གྱི་བང་བའི་ནང་།། འཛིན་པ་སེམས་ཀྱིས་གཟེར་སྒོ་ཡིས།། ཐམས་ཅད་ཀུན་ལ་ཁྱབ་མོད་ཀྱང་།། ཐ་རམས་སྒོ་ལྕགས་ཕྱེད་པར་དཀའ།། མཐའ་ཡི་མུན་བུ་སྤྱི་འདུམ་གྱིས།། མ
148a4 བསླབས་ཤེས་པའི་རྩལ་འཆང་བ།། ལྷ་ཡི་བི་ཤྭ་ཀར་མ་ལྟར།། བདེ་གཤེགས་བྱང་ཆུབ་སེམས་དཔའ་དང་།། སྤྲུལ་པའི་རིགས་འཛིན་མ་ལུས་པའི།། དགོངས་བརྡ་ངག་གི་ལྡེ་མིག་ཁྱེར།། བླ་མ་མཉེས་པར་བྱས་གྱུར
148a5 ན།། ལྡེ་མིག་བཙལ་བའི་དུས་ལ་བབ།། མཛོད་འདི་མཐོང་བར་བྱ་བ་ཡང་།། དབུས་ཀྱི་ལྟེ་བ་མཛོད་ཆེན་ལས།། མུ་ཁྱུད་བརྡ་དགྲ་ངེས་པ་གསུམ།། གླིང་བཞི་སྲིད་པ་རང་བྱུང་ཉིད།། ཁང་ཁྱིམ་བཅོ་བརྒྱད་ཐུགས་རྗེས
148a6 བསྐོར།། ཁང་ཁྱིམ་བཞི་ཡི་རྩ་བ་ཅན།། གྲོང་ཁྱེར་བཞི་ཡི་མུ་ཁྱུད་མཛེས།། མ་ཧཱ་ཡོ་གའི་ངོ་སྤྲད་དང་།། ཨ་ནུ་ཡོ་གའི་ངོ་སྤྲད་དང་།། ཨ་ཏི་ཡོ་གའི་ངོ་སྤྲད་དང་།། གསང་སྒོར་དཔེ་དོན་རྟགས་གསུམ་གྱིས།། ངོ
iiif viewer powered by OpenSeadragon
