| e-texts navigator |
| Wylie |
146a1 ཤེས་ན།། གཞིའི་མཚན་ཉིད་མི་ཤེས་སོ།། རྩེ་མོ་དྲུག་པ་མ་ཤེས་ན།། དགོངས་པ་གཏན་ལ་མི་ཕེབས་སོ།། སྣང་བ་རང་ལོགས་ཤེས་ན། ཐ་དད་ཀྱི་སྐྱོན་དུ་འགྱུར་རོ།། འཇུག་པ་རང་ས་མ་ཤེས་ན།
146a2 གྲུབ་མཐའ་སླར་ལོག་གི་སྐྱོན་དུ་འགྱུར་རོ།། དུས་ཚོད་རྒྱལ་ས་མ་ཤེས་ན། ཐེག་པ་གཞན་དང་ཆ་མི་ཕྱེད་དོ།། མཆོངས་ས་ལྔ་ལྡན་མ་ཤེས་ན། ཡེ་ཤེས་ཟང་ཐལ་མི་རྟོགས་སོ།། སྒོམས་ཉམས་དྲུག་པ་མ་ཤེས་ན།།
146a3 དགོངས་པའི་དོན་འཆལ་བར་འགྱུར་རོ།། གནད་ཀྱི་བཀའ་བཞིན་མ་ཤེས་ན། གནད་མི་ཆོད་དོ།། ཞེས་གསུངས་ནས། འཁོར་རྣམས་དགྱེས་ནས་རྗེས་སུ་ཡི་རངས་ཏེ། ཆོས་ཀྱི་དྲི་མ་མེད་པ་ཆེན་པོའི་ངང་དུ་ཐིམ
146a4 མོ། སེམས་ཕྱོགས་ཆེན་པོ་ནམ་མཁའ་མཛོད་ཀྱི་རྒྱུད་ལས། དོན་མ་ལུས་པར་བསྡུས་ནས་བསྟན་པ་རྗེས་སུ་ཡི་རང་པའི་ལེའུ་སྟེ་བཅུ་གཉིས་པའོ།། སེམས་ཕྱོགས་ཆེན་པོ་ནམ་མཁའ་མཛོད་ལས། ཆོས་ཉིད་ནམ
146a5 མཁའ་མཛོད་ཀྱི་རྒྱུད་ཅེས་བྱ་བ་རྫོགས་སོ།། @#།། རྒྱ་གར་སྐད་དུ། ཨ་ཏི་མ་ཧཱ་བོ་དྷི་ཙིཏྟ་ཀོཥ་དྷརྨ། མཱ་ལ་ཨཱ་ཀཱ་ཤ་དཏ་ཛྙཱ་ན་ཨ་ཀཱ་ཤ་ནཱ་མ། བོད་སྐད་དུ། རྫོགས་པ་ཆེན་པོ་བྱང
146a6 ཆུབ་ཀྱི་སེམས་མཛོད་ཀྱི་ཆོས། རྩ་བ་ནམ་མཁའ་གཉིས་པ་ལས། ཡེ་ཤེས་ནམ་མཁའ་ཞེས་བྱ་བ། བཅོམ་ལྡན་འདས་བདུད་ཀྱི་སྟོབས་རབ་ཏུ་འཇོམས་པ་ལ་ཕྱག་འཚལ་ལོ།། འདི་སྐད་བདག་གིས་ཐོས་པའི་དུས
iiif viewer powered by OpenSeadragon
