| e-texts navigator |
| Wylie |
144a1 འབྱུང་ལྡན་གྱི་སྐུ་དང་ཡེ་ཤེས་ལ་སྣང་ངོ་།། ཡང་དག་པར་རྫོགས་པའི་སངས་རྒྱས་ཀྱི་ཞིང་ཁམས་ནས། མ་ཐ་དམྱལ་བའི་འཇིག་ཚོགས་ཡན་ཆད། སྟོང་གསུམ་གྱི་སྟོང་ཆེན་པོ་འཇིག་རྟེན་གྱི་ཁམས
144a2 འཁོར་བུ་དང་། ཀུན་ཁྱབ་དང་། སྤངས་ཐོན་དང་། ཉེ་རིང་མེད་པར་སྣང་བ་ནི། འོད་དཔག་ཏུ་མེད་པའི་ཞིང་ཁམས་ཏེ། སྣང་བ་མཐའ་ཡས་ཀྱི་སྐུ་དང་ཡེ་ཤེས་ལ་སྣང་བའོ།། བགྲོད་པ་མེད་པར་ལྷུན་གྱིས་གྲུབ་པའི
144a3 ས་རྣམས་ནོན་པ་ནི། དོན་གྲུབ་ཆེན་པོའི་ཞིང་ཁམས་ཏེ། དོན་ཡོད་གྲུབ་པའི་སྐུ་དང་ཡེ་ཤེས་ལ་སྣང་བའོ།། རང་ཤེས་རིག་གི་རྒྱལ་པོ་རྡོ་རྗེ་ཀུན་ཏུ་བཟང་པོ། དུས་གསུམ་དུ་པོ་འགྱུར་མེད་པར་བཞུགས་པ་ལ། ལས
144a4 ཀྱིས་སྒྲིབ་ཏུ་མེད། ཐུགས་རྗེས་སྐྱབ་ཏུ་མེད། བདུད་དང་མུ་སྟེགས་ཀྱིས་བར་དུ་བཅད་དུ་མེད། ཕྱ་དང་དབང་ཕྱུག་གིས་གྲོགས་བྱར་མེད། དེ་ནི་མི་བསྐྱོད་པའི་ཞིང་ཁམས་དེ། རྡོ་རྗེ་སེམས་དཔའི་སྐུ་དང་ཡེ་ཤེས་ལ
144a5 སྣང་བའོ།། ཐམས་ཅད་འབྱུང་བའི་གཞིར་རང་བྱུང་བ་ནི། སྙིང་པོ་ལྔ་དང་དྲངས་མ་ལྔ་ལས་ཐམས་ཅད་འབྱུང་བའི་ཕྱིར་རང་བྱུང་བའོ།། ཐམས་ཅད་སྨིན་པར་བྱེད་པ་ནི། སྐུ་ཡོད་པ་ལས་ཡེ་ཤེས་འཆར། ཡེ
144a6 ཤེས་ཐུགས་རྗེ་ཆེ་བའི་སྟོབས་ཀྱིས་དགོངས་པ་ལ་མཉམ་པར་བཞག་པའི་དུས་སུ། ཉམས་སུ་མྱོང་བའི་ཤེས་རབ་ཁྱད་པར་ཅན་རང་གི་རྒྱུད་ལ་སྐྱེ་བར་འགྱུར་རོ།། དེའི་འཆར་སྒོ་གསུམ་ལ། རྒྱུ་ལས་འབྲས་བུ་ཁ་ནང
iiif viewer powered by OpenSeadragon
