| e-texts navigator |
| Wylie |
143b1 གནས་བསྟན་པ་ནི། འདིར་མཚན་མའི་གནས་ཅིག་སྟོན་ཏེ། རྟོགས་པ་དང་ལྡན་པ་རྣམས་སོ།། རྩ་བ་རང་གི་རིག་པ་འགྱུར་བ་མེད་པའི་ཡེ་ཤེས་དེ། ཀུན་གཞི་སེམས་ཀྱི་བྲག་ཕུག་ཙིཏྟའི་གཞལ་ཡས་ཁང་དུ་སྒོམ་པར
143b2 བསྟན་པའོ།། སྒོམ་པའི་དམིགས་པ་བསྟན་པ་ནི། སྒོ་ང་དཀར་པོ་ཁ་ནང་དུ་བསྟན་པའི་དུས་ན། ཡེ་ཤེས་སེམས་པའི་སྙིང་པོའི་དཀར་པོ་དང་བཅས་པར་བསྒོམ་པ་ནི། སྐུ་གསུང་ཐུགས་ཕྱག་རྒྱའི་དཀྱིལ་འཁོར་བཅས
143b3 པར་སྒོམ་པ་དེ་ནི་སྐུ་རྡོ་རྗེ་ཡིན། འབྲས་བུ་ཡེ་ཤེས་ཀྱི་དཀྱིལ་འཁོར་ཉིད་རྒྱུ་རྡོ་རྗེ་དབྱིངས་ཀྱི་དཀྱིལ་འཁོར་ལ་ཁ་ནང་དུ་བསྟན་པའི་དུས་ན། སྙིང་པོ་བྱང་ཆུབ་ཀྱི་སྐུ་གསལ་བ་རྣམ་པ་གསུམ་དང་ལྡན་པར་བཞུགས་པ
143b4 ནི། སངས་རྒྱས་ཐམས་ཅད་དང་མི་ཕྱེད་པར་བཞུགས་པའི་དགོངས་པའོ།། ཡང་རྒྱུ་རྡོ་རྗེ་དབྱིངས་ཀྱི་དཀྱིལ་འཁོར་ཉིད་འབྲས་བུ་ཡེ་ཤེས་ཀྱི་དཀྱིལ་འཁོར་ལ་ཁ་ཕྱིར་བལྟས་པའི་དུས་ན། ཐུགས་རྗེ་འབྱེད་པ་མེད
143b5 པའི་ཤེས་རབ་ཀུན་ལ་ཁྱབ་དེ།། ནམ་མཁའི་མཐོངས་ནས་ཉི་མའི་སྙིང་པོ་ཤར་བ་ལྟ་བུའོ།། དེ་ལ་ཐུགས་རྗེ་ཡོན་ཏན་དུ་འབྱོར་བར་བསྟན་པ་ནི། ཐུགས་རྗེ་འབྱུང་བའི་སྒོ་བཞི། འཆར་སྒོ་གསུམ་ནས་འཆར
143b6 ཏེ། ཐུགས་རྗེ་འབྱུང་བའི་སྒོ་བཞི་ནི། སྙིང་པོ་བྱང་ཆུབ་མཆོག་གི་སྐུ་ལ་མཉམ་པར་བཞག་པའི་ཚེ། ཤེས་རབ་འགག་པ་མེད་པར་ཤར་བ་ནི། ཡོན་ཏན་རིན་པོ་ཆེ་མ་རྫོགས་པའི་རྩལ་རང་སྣང་བ་ནི། སྦྲུལ་སྐུ་རིན་ཆེན
iiif viewer powered by OpenSeadragon
