| e-texts navigator |
| Wylie |
143a1 པ། ཆོས་ཉིད་སྣང་བ་གསུམ་གྱི་ཞིང་ཁམས་མས་ཆགས་པའི་ཕྱིར། ཐེག་པ་ཆེན་པོ་སྣང་སྲིད་གཞི་བཞག་དང་། གཞི་བཞེངས་སུ་བསྟན་པ་ནི། མི་ནུབ་རྒྱལ་མཚན་ལྟ་བ་ནམ་མཁའ་རྒྱལ་པོ་ཞེས
143a2 བྱའོ།། འགག་པ་མེད་པའི་ལྟ་བ་ཉིད་ནམ་མཁའ་དང་ཉི་མའི་ཚུལ་དུ་བཞུགས་སོ།། གྲུབ་མཐའི་གཏེར་དུ་བཞག་པ་ནི། རང་གི་རྒྱུད་ལ་སྦྱར་ཏེ་བསྟན་ན་ལྟ་བ་རིན་པོ་ཆེའི་གཏེར།། སྙིང་པོ་ཡེ་ཤེས་སྒྲོན་མའི
143a3 མཆོག། བདེར་གཤེགས་རྣམས་ཀྱི་ཡེ་ཤེས་སྐུ། རྒྱལ་བ་རྣམས་ཀྱི་གཏེར་དུ་བཞག། ཅེས་སེམས་ཀྱི་གཏེར་དུ་སྙིང་པོ་ཡེ་ཤེས་ཀྱི་སྐུ་བཞག་གོ། དེ་ཡང་མཉམ་བཞག་གི་དུས་སུ། འབྲས་བུ་ཡེ་ཤེས་ཀྱི་དཀྱིལ་འཁོར
143a4 ཉིད། རྒྱུ་རྡོ་རྗེ་དབྱིངས་ཀྱི་དཀྱིལ་འཁོར་ལ། ཁ་ནང་དུ་བལྟས་པའི་དུས་སུ། མཉམ་པ་ཉིད་གཉིས་སུ་མེད་པའི་དགོངས་པ་ཞེས་བྱ་སྟེ། ངང་ཀུན་ཏུ་བཟང་པོ་མ་བཅོས་པར་བཞག། དེའི་དུས་སུ་མིག་གི་ཡུལ་འགྱུར
143a5 བཟློག་པའི་མན་ངག་གིས་བཅོས་པས་ཤེས་པ་བསྟན་པར་འགྱུར་རོ།། ཡང་ཡིད་རྟོག་པའི་རྗེས་སུ་འབྲངས་ནས། ཡིད་ཀྱི་ཡུལ་འགྱུར་བ་བཅད་པས། རྣམ་རྟོག་རྒྱུན་གཅོད་པར་བྱེད་དོ།། ཡང་རྒྱུ་རྡོ་རྗེ་དབྱིངས་ཀྱི
143a6 དཀྱིལ་འཁོར་ཉིད།། འབྲས་བུ་ཡེ་ཤེས་ཀྱི་དཀྱིལ་འཁོར་ལ་ཁ་ཕྱིར་བལྟས་པའི་དུས་སུ་སྣང་བ་རྒྱས་འདེབས།། མཚན་མ་ཟིལ་གྱིས་གནོན་ཏེ།། ཐུགས་རྗེ་འབྱེད་པ་མེད་པའི་ཤེས་རབ་ཀུན་ལ་སྙོམས་སོ།། སྒོམ་པའི
iiif viewer powered by OpenSeadragon
