| e-texts navigator |
| Wylie |
142b1 བྱའོ།། དེ་ཡང་རང་གི་རྒྱུད་ལ་སྦྱར་ན།། ཆོས་ཉིད་དགའ་བའི་ས་ནས་རང་ཤེས་རིག་གི་རྒྱལ་པོ་རྡོ་རྗེ་ཀུན་ཏུ་བཟང་པོ། ངང་གི་གཡོ་བར་ཡོངས་ཀྱིས་འོད་གསལ་བར་བཞུགས་པ་ནི། རྒྱུ་རྡོ་རྗེ་དབྱིངས་ཀྱི་དཀྱིལ
142b2 འཁོར་མ་བཙལ་ལྷུན་གྱིས་རྫོགས།། འབྲས་བུ་ཡེ་ཤེས་ཀྱི་དཀྱིལ་འཁོར་མ་བསྒྲིབས་པར་ཡོངས་སུ་གསལ།། ཐུགས་རྗེ་བྱེད་པ་མེད་པའི་ཤེས་རབ་ཀུན་ལ་སྙོམས་སོ།། མི་ནུབ་རྒྱལ་མཚན་ལྟ་བ་ནམ་མཁའི་རྒྱལ་པོ།།
142b3 རང་རིག་རྒྱལ་པོ་གྲུབ་མཐའི་གཏེར་དུ་བཞག་པ། སེམས་ཀྱི་གཏེར་དུ་དགོངས་པའི་གནས་བསྟན་པ། སྙིང་པོའི་ཡང་སྙིང་རིན་པོ་ཆེ་གསང་བའི་སྦུབས་བསྟན་པ། འབྲས་བུ་རིན་པོ་ཆེ་ལྷུན་གྱིས་གྲུབ་པར་བསྟན་པ།
142b4 དེའི་སྐྱོན་དང་ཡོན་ཏན་བསྟན་པ་དང་། མན་ངག་གིས་ཡིད་ཆེས་པར་བསྟན་པའོ།། དང་པོ་ལྟ་བ་རང་གི་ངོ་བོར་བསྟན་པ་ནི། འོག་མིན་གྱི་གནས་ཆོས་ཀྱི་དབྱིངས་ཀྱི་ཕོ་བྲང་ན། རིན་པོ་ཆེ་གསང་བའི་ཕོ་བྲང་ན།།
142b5 རིན་པོ་ཆེ་གསང་བའི་སྦུབས་ཕྱི་ནང་མེད་པར་གསལ་བའི་དང་ན། རང་ཤེས་རིག་གི་རྒྱལ་པོ་རྡོ་རྗེ་ཀུན་ཏུ་བཟང་པོ། ངང་གིས་མི་གཡོ་བ་ཡོང་གི་འོད་གསལ་བ། རྒྱུ་རྡོ་རྗེ་དབྱིངས་ཀྱི་དཀྱིལ་འཁོར་རང་རྫོགས།། རྒྱུ
142b6 འབྲས་བུར་སྨིན་པ་ཡེ་ཤེས་ཀྱི་དཀྱིལ་འཁོར་རང་ཤར། ཐུགས་རྗེ་འབྱེད་པ་མེད་པའི་ཤེས་རབ་རང་བྱུང་བ་ནི། རྒྱུ་རང་བྱུང་གི་ཡེ་ཤེས་ཞེས་བྱ་བའོ།། སྐུ་གསུམ་ཡེ་ཤེས་གསུམ་བརྩེགས་ཀྱི་དགོངས་པ་ཡས་བབས
iiif viewer powered by OpenSeadragon
