| e-texts navigator |
| Wylie |
142a1 འགྱུར་མེད་པའི་གདན།། གོས་ནི་དངས་མ་ལྔ་ཡི་གོས།། ཟས་ནི་ཟག་མེད་ཏིང་འཛིན་ཟས།། སྐུ་ནི་ཤེས་རབ་འགྱུར་མེད་སྐུ།། རྡོ་རྗེ་རྒྱ་གྲམ་ཁྲི་སྟེངས་ནས།། དཔའ་བོ་ཆེན་པོ་བདག་ཉིད་སྐུ།། མཚན
142a2 མའི་གཟུགས་མེད་གཟུགས་ཀྱི་སྐུ།། ངོ་མཚར་རྨད་བྱུང་རོལ་པའི་ཐུགས།། སྒྲ་བསམ་བརྗོད་མེད་ཤེས་རབ་གསུང་། རྟོགས་པའི་ཡེ་ཤེས་སྐད་ཅིག་རྫོགས།། ཞེས་སེམས་ཕྱོགས་ཆེན་པོ་ནམ་མཁའ་མཛོད་ཀྱི་རྒྱུད
142a3 ལས། མཆོངས་པ་ལྔའི་མན་ངག་བསྟན་པའི་ལེའུ་སྟེ་དགུ་པའོ།། །། དེ་ནས་བཅོམ་ལྡན་འདས་རྡོ་རྗེ་འཆང་ཆེན་པོས།། སྒོམ་ཉམས་དྲུག་པའི་མན་ངག་འདི་གསུངས་སོ།། ས་མ་ཨ་ཏི་བི་ཙ་ར། བཛྲ་ན་མ
142a4 ཎི་བི་ཧུ་རུ་རུ། སྟོང་པ་ཆེན་པོའི་ཡེ་ཤེས་སྐུའི་བདག་ཉིད་གསང་བ་ཡང་ཁོལ་དུ་བྱུང་བ། བདག་དང་བཅས་པའི་དཔལ་རྡོ་རྗེ་སེམས་དཔས། ཐུགས་ཀྱི་མན་ངག་ཟབ་མོ་བསྟན་པ།། དག་པ་ཆོས་ཀྱི་སྐུ་ནི་མ་བསྒྲིབས
142a5 ཡོངས་སུ་གསལ།། ཤེས་རབ་རིག་པའི་སྐུ་ནི་ཟབ་ཅིང་གཏིང་དཔག་དཀའ།། རང་བྱུང་ཐུགས་རྗེའི་སྐུ་ནི་མཚན་དང་དཔེ་བྱད་ལྡན།། ཐུགས་རྗེ་འོད་ཟེར་སྐུ་ནི་འགྲོ་བ་ཀུན་ལ་སྣང་།། རྒྱུ་རིག་པ་ཆོས་ཀྱི་སྐུ། འབྲས་བུ
142a6 སྐུ་དང་ཡེ་ཤེ་མེ་ལོང་དང་བྱད་ཀྱི་ཚུལ་དུ། རྒྱུ་ཆོས་ཀྱི་སྐུ་ལ་ཤར་བས་རྒྱུ་འབྲས་བུར་སྨིན་ནོ།། དེ་ནས་ཡང་རྒྱུའི་དུས་ན་འབྲས་བུ་ལྷུན་གྱིས་རྫོགས་འབྲས་བུ་རྒྱུའི་ངང་དུ་ཤར་ཏེ། རྒྱུ་དང་འབྲས་བུ་ཐ་མི་དད་པ་ཞེས
iiif viewer powered by OpenSeadragon
