| e-texts navigator |
| Wylie |
141b1 མཁའི་མཐའ་ལ་ཐུག་པ་མེད།། ཕ་ནི་ཐབས་མཆོག་དཔག་ཏུ་མེད།། སྐྱེ་འགག་མེད་པའི་ཡེ་ཤེས་ཡིན།། མདའ་གཅིག་རྒྱ་མཚོའི་གཏིང་དུ་འཕེན།། ཟབ་ཅིང་གཏིང་དཔག་དཀའ་བའི་དབྱིངས།། མ་ནི་ཤེས་རབ
141b2 བརྗོད་ལས་འདས།། འགྱུར་བ་མེད་པའི་ཆོས་ཉིད་ཡིན།། མདའ་གཅིག་ཉི་ཟླའི་བར་དུ་འཕེན།། ཉི་ཟླ་གཉིས་ཀྱིས་བརྗིད་མཉམ་པས་ཐབས་དང་ཤེས་རབ་ཟུང་དུ་འབྲེལ།། མདའ་གཅིག་འགྲོ་དྲུག་ཡོངས་ལ
141b3 འཕེན།། འགྲོ་དྲུག་སྲང་ལ་བཏབ་ཙམ་ན།། འགྲོ་དྲུག་སྲང་ལ་མཐོ་དམན་མེད།། རང་བྱུང་བདེ་བའི་དབྱིངས་སུ་བསྐུལ།། མདའ་གཅིག་འཇིག་རྟེན་ཁམས་སུ་འཕེན།། ཡེ་ཤེས་སྣང་བས་རང་ལོག་ཡིན།། བདེ་གསལ
141b4 ཆེན་པོའི་ས་ལ་བཀོད།། གོམས་པ་ལྔ་ཡིས་ཕ་རོལ་ཕྱིན།། འཁྲུལ་སྣང་འདི་ལ་འགོམས་མཆོངས་བྱེད།། དག་པའི་སྣང་བ་ཡོད་པའི་ཕྱིར།། སེམས་ཅན་འདི་ལ་འགོམས་མཆོངས་བྱེད།། སངས་རྒྱས་དམ་པ་ཡོད་པའི
141b5 ཕྱིར།། ལྷ་རྣམས་ཀུན་ལ་འགོམས་འཆོངས་བྱེད།། འཕགས་པའི་དང་པོ་ཡོད་པའི་ཕྱིར།། བྱང་ཆུབ་སེམས་ལ་འགོམས་མཆོངས་བྱེད།། ལྷུན་གྲུབ་ཡེ་ཤེས་ཡོད་པའི་ཕྱིར།། དམ་པའི་ཆོས་ལ་འགོམས་མཆོངས
141b6 བྱེད།། ཆོས་ལས་འདས་པ་ཡོད་པའི་ཕྱིར།། སྐད་ཅིག་གོམས་པ་ལྔ་རྫོགས་པས།། ཡུལ་ནི་རྣམ་པར་དགའ་བའི་ཞིང་།། མཁར་ནི་འགྱུར་བ་མེད་པའི་མཁར།། གྲོགས་ནི་འདུ་འབྲལ་མེད་པའི་གྲོགས།། གདན་ནི་ཕོ
iiif viewer powered by OpenSeadragon
