| e-texts navigator |
| Wylie |
140b1 གཅིག་པུར་གནས་པར་སྣང་བ་གྲོགས་སུ་འཆར།། སྣང་བ་ཐུགས་ཕྲད་ལ་ཤེས་རབ་ཐུགས་ཕྲད་སྐྱེས།། བག་ཆགས་ཀྱིས་གོས་པ་མེད་པར་འདུག་གོ། རྟོགས་པ་རྒྱུད་ལ་སྨིན་པས་མངལ་གྱི་མན་ངག་གོ། སྒོ་བཞི་རང
140b2 ལས་འབྱུང་བས་སྒོ་གསུམ་རྒྱུད་ལ་སྐྱེས།། སྣང་བ་ཡེ་ཤེས་ཀྱིས་བག་ལ་ཞ་བའི་མན་ངག་གོ། མཐོང་སྣང་རིམ་གྱིས་འཆར་གྱིས་གཅིག་པུར་དལ་བར་སྡོད།། ཕུང་པོ་སྒྲིབས་ཤིང་ཡིན་གྱི་སྣང་བའི་སྒྲིབ་ཤིང
140b3 སོལ།། དགོངས་པ་རྩེ་གཅིག་པའི་མན་ངག་གོ། སངས་རྒྱས་ཀྱི་ལས་ལ་བགྲོད་མི་དགོས་ཀྱིས། རྗེ་བློན་བྲལ་བས་ཆོག། ཆུ་ཟླ་རྐྱེན་དང་སྤྱོད་ལ་ནམ་མཁའ་གུད་དུ་ཆོད། སེམས་དང་ཡེ་ཤེས་ཕྱེ་ནས་སྣང་བས
140b4 ཆོག། ཀུན་ཏུ་འོད་ཀྱི་ས་ལ་སྦྱངས་མི་དགོས་ཀྱིས།། འཁྲུལ་སྣང་འགགས་པས་ཆོག། འབྲས་བུ་གྲུབ་མི་དགོས་ཀྱིས། སྐུ་གསུམ་འདུ་འབྲལ་མེད་པ་ནམ་མཁའ་ཉི་མ་ལྟ་བུའོ།། སྒྲིབ་པ་སྦྱང་མི་དགོས་ཀྱིས། རྒྱུ་རྐྱེན
140b5 མེད་པའི་ཡེ་ཤེས་ལ་དྲི་མ་མེད་དེ། མན་ཤེལ་དང་སྣང་བའི་ཚུལ་ལོ།། སངས་རྒྱས་རང་ལ་འབྱུང་གི་གཞན་དུ་མ་ཚོལ་ཅིག། ཆོས་ལ་སངས་རྒྱས་མེད་པར་བསྟན་པ་སྐྲ་ཤད་དང་སོལ་བ་ལྟ་བུའོ།། དེ་ནས་སངས་རྒྱས
140b6 གཞོན་ནུ་མཚན་རབ་ཏུ་ཤེས་པས་ཡར་གཟིགས་པས་སངས་རྒྱས་གཞོན་ནུ་བུམ་པའི་སྐུ་མཐོང་། མར་གཟིགས་པས་འགྲོ་དྲུག་གི་སྡུག་བསྔལ་མཐོང་།། ཐད་ཀར་གཟིགས་པས་སེམས་ཅན་གྱི་དེ་བཞིན་གཤེགས་པའི
iiif viewer powered by OpenSeadragon
