| e-texts navigator |
| Wylie |
139a1 ཞིང་འབྱུང་བ་དེ།། དག་སྣང་ལོག་ནས། འཁྲུལ་སྣང་འཆར་བའི་དུས་སུ། སེམས་ཅན་གྱི་གཟུགས་རེག་འབྱར་དུ་ཡོང་བ་ཡང་དེ་ལས་འབྱུང་ངོ་།། སའི་རས་མ་སྒོ་ཕྱེ་ནས་རང་བྱུང་གི་ཆུ་བོ་བཞིའི་མཛོད
139a2 བསྟན་པ་ནི། རིག་པ་རྩལ་གྱི་དབང་དང་། རྒྱལ་ཐབས་སྤྱི་བླུགས་ཀྱི་དབང་དང་། ཡེ་ཤེས་རང་རྫོགས་ཀྱི་དབང་དང་། ཡེ་ཤེས་ལྷུན་གྲུབ་ཀྱི་དབང་དང་བཞི་སྟེ། རིག་པ་རྩལ་གྱི་དབང་ནི་མཛོད་གསུམ་སྒོ
139a3 ཕྱེའོ།། རྒྱལ་ཐབས་སྤྱི་བླུགས་ཀྱི་དབང་ནི། གསེར་གྱི་མེ་ཏོག་བཞི་ཡས་ཤར་ནས། ཞིང་ཁམས་ཆེན་པོ་གསུམ་ལ་སྤྱོད་པར་དབང་ངོ་།། ཡེ་ཤེས་རང་རྫོགས་དབང་ནི། ཆོས་ཉིད་ཀྱི་སྣང་བ་ལ་སྐུ་གསུམ་རང་ལུགས
139a4 སུ་གནས་པར་སྣང་བར་གནས་པའོ།། ཡེ་ཤེས་ལྷུན་གྲུབ་ཀྱིས་དབང་ནི། འབྲས་བུ་ཕྱིར་མི་ལྡོག་པར་ཤེས་པའོ།། འཕྲུལ་གྱི་ཡང་མཛོད་བཞིའི་སྒོ་ཕྱེ་བའི་དུ་སུ། ཤེས་རབ་ཀྱིས་ཆོས་ལ་དབང་བྱུང་བ་ནི། འཕྲུལ་གྱི
139a5 ཡང་མཛོད་བཞི། དེའི་ལྡེ་མིག་བཞི། དེ་ལ་ལྟ་བའི་སྟོབས་བཞི་སྟེ་བཅུ་གཉིས་བསྟན་པའོ།། དེ་ནས་རྒྱལ་པོའི་བླ་ནོར་བསྟན་པ། སན་རྔ་བ་རོ་ཧ་ན། མན་ཧོའི་སྒྲ་ལས་དྲངས་ནས། སང་སྠི་ཏའི་སྐད་དེ། སྡིག་པ་མེད
139a6 པའི་ཤེས་རབ་ཀྱིས། སྙིང་རྗེ་མེད་པའི་སེམས་ཅན་བསད་དེ། སྲོག་མེད་པའི་སྐུ་ལ་སྦྱར་ནས། གནས་མེད་པའི་ཀློང་དུ་བསྐྱལ་ཏེ། ལྗོན་ཤིང་གི་མྱུ་གུ་ཚ་བ་མེད་པའི་མེས་བསྲེགས་ཏེ། དཔག་བསམ་གྱི་ལྗོན་ཤིང
iiif viewer powered by OpenSeadragon
