| e-texts navigator |
| Wylie |
137b1 སྣང་བ་རང་ལོག་དང་། འབྱུང་བ་ལྔ་སྦྱོར་དང་། སྦྱོར་བའི་མན་ངག་བསྟན་པའི་སྟེ་ལེའུ་ལྔ་པའོ།། །། དེ་ནས་འབྱུང་བ་རང་སའི་མན་ངག་འདི་གསུངས་སོ།། རྒྱུ་རྐྱེན་མེད་པའི་ཡེ་ཤེས་ལ།། མཚན་མའི
137b2 དངོས་པོ་ཐ་དད་འབྱུང་།། སྐུ་གཅིག་དྲུག་ཏུ་འབྱུང་བའི་ཕྱིར།། ཡུལ་དྲུག་རྣམ་པར་སྤྱོད་པ་བྱུང་།། ཕྱི་ནང་སྣོད་བཅུད་ཐམས་ཅད་ཀུན།། རྒྱུ་རྐྱེན་རང་ལས་བྱུང་བའི་ཕྱིར།། འཇུག་པའི་མཚན་ཉིད་ཤེས་པར
137b3 བྱའོ།། ལས་ལ་དགེ་སྡིག་མེད་པར་ཤེས།། གནས་ལ་མཐོ་དམན་མེད་པར་ཤེས།། དུས་ལ་སྔ་ཕྱི་མེད་པར་ཤེས།། ཆོས་ཉིད་ལ་ནི་བར་དོ་མེད།། རིག་པ་དག་ལ་སྐྱེ་ཤི་མེད།། ཡེ་ཤེས་སྐད་ཅིག་མ་མེད་པས།། ལྟ་བ
137b4 དག་གིས་ཐག་བཅད་ནས།། དང་པོའི་འབྱུང་སར་གནས་བཅས་ཏེ།། ཕྱི་ནང་སྣོད་བཅུད་མ་ལུས་ཀུན།། ཡེ་ཤེས་ཆེན་པོའི་ངང་དུ་འདུས།། རྒྱུ་རྐྱེན་བྲལ་བའི་ཆོས་སྐུར་གནས།། ཐིག་ལེ་ཉག་གཅིག་འཇུག་པ
137b5 ཤེས།། ཞེས་སེམས་ཕྱོགས་ཆེན་པོ་ནམ་མཁའ་མཛོད་ཀྱི་རྒྱུད་ལས།། འཇུག་པ་བཞི་སྦྱོར་གྱི་མན་ངག་གི་ལེའུ་སྟེ་དྲུག་པའོ།། །། དེ་ནས་བཅོམ་ལྡན་འདས་རྡོ་རྗེ་འཆང་ཆེན་པོས།། འཕགས་པ་འཇམ
137b6 དཔལ་འཕྲུལ་གྱི་གབ་ཚེ་གསུམ་བསྐོར་གྱི་མན་ངག་བསྟན་པ།། པྲཛྙཱ་པ་ར་མི་ཏ། དུས་ཚོད་རྒྱལ་ས་བསྟན་པ་ནི།། སྣང་གསལ་སྒྲོན་མ་ནུབ་པའི་ཚེ།། འཁོར་འདས་དང་སྙིགས་འབྱེད་པའི་དུས།། དཔའ་བོས་རང་ས
iiif viewer powered by OpenSeadragon
