| e-texts navigator |
| Wylie |
137a1 མེད་པས།། དག་པའི་ཡེ་ཤེས་རིན་ཆེན་སྐུ།། འཇའ་ཚོན་ལྟ་བུའི་ཁ་དོག་ཀྱང་།། རིན་པོ་ཆེ་ཡི་སྦུབས་སུ་ཐིམ།། འཇུག་པའི་མཚན་ཉིད་རྣམ་གཉིས་ཏེ།། ཡུལ་དང་གནས་ལ་འཇུག་པ་དང་།། སྐུ་དང་ཡེ
137a2 ཤེས་འཇུག་པ་དང་།། ཡུལ་གནས་འཇུག་པའི་མཚན་ཉིད་ནི།། འབྱུང་བ་ལྔ་སྦྱོར་མན་ངག་སྟེ།། བཏང་སྙོམས་ཆེན་པོ་ཐབས་མཁས་པས།། ཁམས་གསུམ་དབང་དུ་བསྡུ་བའི་ཕྱིར།། བཅུད་ཀྱི་འཇིག་རྟེན་ཐམས་ཅད
137a3 རྒྱུ།། བདག་ཉིད་ཅིག་པའི་འབྲེལ་བར་ལྡན།། རྒྱུ་དྲུག་སྐུ་དང་ཡེ་ཤེས་སྦྱོར།། སྣོད་ཀྱི་འཇིག་རྟེན་ཐམས་ཅད་རྐྱེན།། དེ་ལས་བྱུང་བའི་འབྲེལ་བར་ལྡན།། འཁྲུལ་སྣང་རྒྱལ་བའི་ཞིང་ཁམས་སྦྱོར།། ཕྱི་ནང་འབྱུང་བ
137a4 རྣམ་པ་ལྔ།། ཕ་ནི་རླུང་ཡིན་ཐམས་ཅད་བྱེད།། མ་ནི་ས་ཡིན་ཀུན་འབྱུང་གནས།། བུ་ནི་མེ་ཡིན་སྨིན་པར་བྱེད།། བུ་མོ་ཆུ་ཡིན་སྡུད་པར་བྱེད།། སྙིང་པའི་འབྱུང་བ་རྣམ་པ་ལྔས།། མཐུན་སྣང་དག་སྣ་དག་ལ་སྦྱོར།། སྐུ
137a5 དང་ཡེ་ཤེས་འཇུག་པ་ནི།། དུས་མ་འགྱུར་བར་སྣང་མ་འགྱུར།། མན་ངག་གཏན་ཚིགས་རྣམ་པ་གསུམ།། སྣང་བ་ཡུལ་གྱི་གཏན་ཚིགས་བརྡས། འབྲས་བུའི་དཀྱིལ་འཁོར་གཏན་ལ་འབེབས།། དགྲགས་པ་སྒྲ་ཡི
137a6 གཏན་ཚིགས་བརྟས། སེང་གེ་ང་རོ་ལྟ་བུ་ཡིས། ལྟ་བ་ངན་པ་ཟིལ་གྱི་གནོན། མཚོན་པ་ཚིག་གི་གཏན་ཚིགས་བརྡས།། བློ་ངོས་གཉིས་སུ་མེད་པར་སྦྱོར།། ཞེས་སེམས་ཕྱོགས་ཆེན་པོ་ནམ་མཁའ་མཛོད་ཀྱི་རྒྱུད་ལས།།
iiif viewer powered by OpenSeadragon
