| e-texts navigator |
| Wylie |
136b1 པ་ནི།། དུས་ཀྱི་སྦྱོར་བ་ངེས་པ་སྟེ།། སྣང་བ་རང་ལོག་བྱུང་བའི་ཚེ།། འབྱུང་བ་ལྔ་སྦྱོར་དྲན་པར་གྱིས།། འཇུག་པ་རང་ས་བྱུང་བའི་ཚེ།། འཇུག་པ་བཞི་སྦྱོར་དྲན་པར་གྱིས།། དུས་ཚོད་རྒྱལ་ས་བྱུང་བའི་ཚེ།། ཡེ་ཤེས
136b2 ཚིག་ཆོད་དྲན་པར་གྱིས།། བསམ་གཏན་རྩེ་མོ་དྲུག་པ་རྒྱས་པར་བསྟན་པའི་སྐབས་དྲུག་པ་བསྟན་པའོ།། ཞེས་སེམས་ཕྱོགས་ཆེན་པོ་ནམ་མཁའ་མཛོད་ཀྱི་རྒྱུད་ལས། བསམ་གཏན་རྩེ་མོ་དྲུག་པའི་ལེའུ་སྟེ་བཞི
136b3 པའོ།། །། དེ་ནས་བཅོམ་ལྡན་འདས་རྡོ་རྗེ་འཆང་ཆེན་པོས། ལས་ཀྱི་མཐའ་ཟད་པའི་ཚེ། སྣང་བ་རང་ལོག་ཏུ་བསྟན་པ་ནི། དང་པོ་སངས་རྒྱས་རྒྱུ་མེད་པས།། རང་བྱུང་དབྱིངས་ནས་ཡེ་ཤེས་སྐུ།། རང་སྣང
136b4 མཁའ་ལ་འོད་གསལ་བས།། ཡེ་ཤེས་སྣང་བ་སུམ་བརྩེགས་ཤར།། མ་རིག་རྟག་ཏུ་རྟོགས་པའི་བློས།། སྙིགས་མའི་འབྱུང་བ་ལྔ་རུ་ལོག། རྟོགས་པའི་ཡེ་ཤེས་སྐད་ཅིག་གིས།། ལོག་རྟོག་མཁའ་ལ་སྤྲིན་དེངས
136b5 བཞིན།། ཡེ་ཤེས་སྣང་བ་རང་སར་ལོག། རང་བྱུང་རང་སྣང་རྒྱལ་བའི་སྐུ།། བཞི་བཞག་རང་གྲོལ་དགོངས་པ་ཡིན།། སྣང་བ་རང་ལོག་གི་དགོངས་པ་བསྟན་པའོ།། དེ་ནས་བཅོམ་ལྡན་འདས་རྡོ་རྗེ་འཆང་ཆེན་པོས
136b6 འདི་གསུངས་སོ།། འབྱུང་ལྔ་སྦྱོར་བས་མན་ངག་གི། རང་སྣང་འོད་དུ་ཤར་བ་ཡིས།། འཁོར་བའི་གྲོང་ཁྱེར་བཟློག་པ་ཡིན།། སྐུ་མཆོག་རྡོ་རྗེ་འོད་སྣང་བས།། ཡེ་ཤེས་ལུས་ལ་འཇུག་པ་ཡིན།། ཆོས་ཀྱི་སྐུ་ལ་གཟུགས
iiif viewer powered by OpenSeadragon
