| e-texts navigator |
| Wylie |
136a1 སྐུའོ།། རིག་པ་ལས་ཡེ་ཤེས་ཀྱི་རྟེན་ནི་ཆོས་ཉིད་ཀྱི་ཀུན་གཞིའོ།། གནས་ནི་རི་རབ་ཀྱི་ཁོང་སེང་ན་གནས་སོ།། མཐུན་པའི་དཔེ་ནི་འཇའ་ཚོན་ལྟ་བུའོ།། ངོ་བོ་ནི་སྣང་ལ་རང་བཞིན་མེད་པའོ།། རང
136a2 བཞིན་ནི་མི་སྣང་ལ་རང་བཞིན་ཡོད་པའོ།། ཐུགས་རྗེ་ནི་མ་འདྲེས་ལ་ཡོངས་སུ་རྫོགས་པའོ།། རིག་པ་ངོ་བོ་ཉིད་ཀྱི་སྐུ་དང་།། ཡེ་ཤེས་ཆོས་ཀྱི་སྐུ་གཉིས།། མར་མེ་དང་འོད་ཀྱི་ཚུལ་ཏེ།། མཐོང་བྱ་དང་མཐོང་བྱེད
136a3 དོ།། དེའི་འབྲས་བུ་ཡོངས་སུ་སྨིན་པ་ནི།། སྐུ་དག་ཡེ་ཤེས་སོ།། རིག་པ་དང་ཐ་དད་དུ་གྲོལ་བའོ།། དངོས་པོ་དོན་གཏན་ལ་དབབ་པའི་དོན་བཞི་བསྟན་པའོ།། ང་ནི་གང་ཟག་གི་རྒྱུད་ལས།། འབྲས་བུར་སྨིན་པར་བྱ
136a4 སྟེ།། ཆོས་ཉིད་སྣང་བ་སུམ་བརྩེག་གི་གདན་ལ། སྐུ་དང་ཡེ་ཤེས་སུམ་བརྩེགས་སུ་བཞུགས་པ་ནི། ལྟ་བ་དང་གྲུབ་མཐའ་ཐ་མི་དད་པར་བཞུགས་སོ།། དགོངས་པ་ནི་མ་བཅས་མཉམ་བཞག་ཏུ་གནས་པར་བྱ་སྟེ། དེ
136a5 ཡང་ཕྱི་སྒོ་བཅད་ཀྱང་རུང་མ་གཅད་ཀྱང་རུང་སྟེ། གང་ལྟར་བདེ་བར་བྱ་བཅོས་མེད་པར་བཞག་གོ། དེ་ལྟར་གནས་པའི་དུས་ན།། རྐང་མེད་མཁའ་ལ་འགྲོ་བ་ནི། ལྟ་བའི་རྒྱབ་ཤ་ཆོད་པ་ཡིན།། བལྟར་མེད་སྒྲ་ལ་ལྟ
136a6 བ་ནི། འབྲས་བུའི་རྒྱབ་ཤ་གཅོད་པ་ཡིན།། གྲོགས་མེད་གཅིག་པུར་གནས་པ་ནི།། སྒོམ་པའི་རྒྱབ་ཤ་གཅོད་པ་ཡིན།། རྟོགས་པ་ཉམས་སུ་བླངས་པའི་སྐབས་ལྔ་བསྟན་པའོ།། །། འབྲས་བུའི་དུས་ཚོད་ཤེས
iiif viewer powered by OpenSeadragon
