| e-texts navigator |
| Wylie |
135b1 སྐུ་ནི།། སངས་རྒྱས་ཀུན་གྱི་རྩེ་མོ་མཆོག། རང་ལས་འབྱུང་བས་གཞན་དབང་མེད།། བྱ་བཙལ་མེད་པས་རྩེ་མོ་མཆོག། ཡིན་ཚུལ་ཤེས་པས་ལྟ་བ་ཡིན།། འགྱུར་བ་མེད་པས་རྩེ་མོའི་མཆོག། གཅིག་པུར་འདུག་པས
135b2 ཉམས་བླངས་ཡིན།། བཏང་བཞག་མེད་པས་རྩེ་མོ་མཆོག། བཏང་སྙོམས་བཞག་པས་སྤྱོད་པ་ཡིན།། ཡེ་ཤེས་ཐུག་ཕྲད་རྩེ་མོ་མཆོག། ཕྱིར་མི་ལྡོག་པས་འབྲས་བུ་ཡིན།། སྐུ་གསུམ་རྫོགས་པ་རྩེ་མོ་མཆོག། རྡོ་རྗེ
135b3 འཆང་གི་ཐུགས་ཀྱི་མཆོག། དགོངས་པ་ཀུན་གྱི་རྩེ་མོ་བཤད།། ཡོངས་སུ་རྫོགས་པའི་སྐབས་གསུམ་པའོ།། དེ་ནས་བྱང་ཆུབ་སེམས་དཔའ་རྣམས་ཀྱི་དོན། དེ་ཡོངས་སུ་རྒྱས་པར་བཤད་ནས། རིག་པ་ཆོས་ཀྱི་སྐུ
135b4 ལ་ཐ་དད་དུ་དབྱེར་མེད་ཀྱང་། ཤེས་རིག་གང་ཟག་གི་བློ་ལ་གོ་བར་བྱ་བའི་ཕྱིར་གཉིས་སུ་བསྟན་ཏེ། རིག་པ་དང་རིག་པ་ལས་བྱུང་བའི་ཡེ་ཤེས་གཉིས་ཏེ། དེ་ཡང་གང་ཟག་གཅིག་གི་རྒྱུད་ལ་སྦྱར་ཏེ་བསྟན་ན། རིག
135b5 པའི་རྟེན་དང་། གནས་དང་། མཐུན་པའི་དཔེ་དང་གསུམ་ཡིན་ནོ།། ཡང་རིག་པ་ལས་བྱུང་བའི་ཡེ་ཤེས་ཀྱི་རྟེན་དང་། གནས་དང་། མཐུན་པའི་དཔེ་དང་གསུམ་མོ།། དེ་ལ་རིག་པ་ངོ་བོ་ཉིད་ཀྱི་སྐུའི་རྟེན་ནི། བག
135b6 ཆགས་ཀྱི་ཀུན་གཞིའོ།། གནས་ཙིཏྟ་རིན་པོ་ཆེའི་གཞལ་ཡས་ཁང་ངོ་།། དཔེ་ནི་ཉའི་མིག་ལྟ་བུའོ།། ངོ་བོ་ནི་འགྱུར་བ་མེད་པའོ།། རང་བཞིན་ནི་ཤེས་བྱ་ལ་འགག་པ་མེད་པའོ།། ཐུགས་ནི་ཡེ་ཤེས་སྒྱུ་མ་ལྟ་བུའི
iiif viewer powered by OpenSeadragon
