| e-texts navigator |
| Wylie |
135a1 གི། དབུས་དང་མཐའ་གཉིས་ཡོད་མ་ཡིན།། བར་འདི་དབུ་མ་ཆེན་པོ་སྟེ།། སྟོང་ཉིད་ཡེ་ཤེས་ཆེན་པོ་ཉིད།། ཆོས་ཉིད་མཐའ་གཉིས་མ་སྤངས་པར།། ཆོས་སྐུ་རང་བྱུང་སྟོང་པ་ཉིད།། མཐའ་བཞི་ལས
135a2 ནི་གྲོལ་བ་ཡིན།། རྩ་བའི་དོན་དང་སྦྱར་བ་ནི།། ཧ་ཀྲ་མ་ནི་བྱ་ཞེས་བྱ།། རྒྱུད་པ་གཉིས་སུ་བསྟན་པ་ཡིན།། དེ་ནས་རྒྱས་པར་བཤད་པ་ནི།། དེ་ཁོ་ན་ཉིད་ཡོངས་སུ་རྒྱས་པར་བཤད་པ་ཡིན།། དེ་ནི་གསང་བ་སྨད་དུ
135a3 བྱུང་བའི་ཡི་གེར་བཀོད་པ་སྟེ།། བསྟན་པ་དར་ཞིང་རྒྱས་པར་བཞག་གོ། བཛྲ་མ་ཎི་ཨ་ཤྲཱི་ཤྱཱ་མ་རྩེ་ཏི་ཤོ་ཏ་ཎཾ། ཞེས་པའི་སྒྲ་ལས་དྲངས་ན། རྡོ་རྗེ་སེམས་དཔའི་བྱང་ཆུབ་ཀྱི་སྙིང་པོ། དྲི་མེད་དག་པའི་རིག་པ་ཆེན་པོ།
135a4 བསམ་གཏན་རྩེ་མོ་དྲུག་པ་ཞེས་བྱ་བ། བཅོམ་ལྡན་འདས་དྲུག་པ་རྡོ་རྗེ་འཆང་གིས་གསུངས་པ། སྐབས་དང་པོ་བྱུང་ཚུལ་བསྟན་པའོ།། དེ་ནས་ཡང་དག་དགོངས་པའི་མཆོག། ཐབས་མཁས་དག་གིས་བསྟན་པ
135a5 ནི།། སྐྱེ་འགག་མེད་པའི་ཤེས་རིག་ལ།། རྡོ་རྗེ་རྩེ་མོ་རྣམ་པར་འཕྲོ།། ཡང་དག་མཐའ་ལ་ལྷུན་གྱིས་གྲུབ།། བསམ་གཏན་དྲུག་པའི་རྩེ་མོ་ནི།། ཡོངས་སུ་རྫོགས་པའི་རྩེ་མོ་ཅིག། འགྱུར་མེད་རྡོ་རྗེའི་གདན་ལ
135a6 བཞག། ཅེས་གསུངས་སོ།། སྐབས་གཉིས་པ་ཆོས་ཀྱི་འབྱུང་གནས་བསྟན་པའོ།། བཛྲ་མ་ཧཱ་ཙེ་ཏི་ཤོ་ཧ། སཾ་དྷརྨ་དྷཱ་ཏུ། ཞེས་པའི་སྒྲ་ལས་དྲངས་ནས་བསམ་གཏན་རྩེ་མོ་དྲུག་པ་ཞེས་བྱ་སྟེ།། རང་ལས་བྱུང་བའི་ཆོས
iiif viewer powered by OpenSeadragon
