| e-texts navigator |
| Wylie |
134a1 མཁའ་ལ་འགྲོ་བར་བྱ།། བལྟར་མེད་སྐུ་ལ་བལྟ་བར་བྱ།། གྲོགས་མེད་གཅིག་པུར་གནས་པར་བྱ།། འདི་ནི་དགོངས་པ་མདོར་བསྡུས་ཡིན།། རང་ས་བཞི་ལྡན་བསྟན་པ་ནི།། འདས་པའི་སངས་རྒྱས
134a2 བཞུགས་ཚུལ་ནི།། ཆོས་ཉིད་རང་སྣང་སུམ་བརྩེགས་ལ།། རང་བྱུང་རིག་པའི་རྒྱལ་པོ་ཉིད།། དགོངས་པ་རང་སྣང་དོན་ལ་བཞེངས་བཞུགས་སོ།། དེའི་ཚེ་རང་སྣང་རྟོགས་པའི་འཁོར་རྣམས་དང་ཐབས་ཅིག་ཏུ
134a3 བཞུགས་སོ།། དེའི་ཚེ་རང་སྣང་བ་བསམ་བྲལ་གྱི་དོན་ལ།། སོ་སོ་གོ་གོའི་གནས་སུ་ཡེ་ཤེས་ཀྱི་དཀྱིལ་འཁོར་ལྔ་ལ། ལྷ་སུམ་ཅུ་རྩ་གཉིས་རྫོགས་པར་ཤེས་པའི་ངོ་བོ་གཅིག་ཏུ་བཞུགས་སོ།། དེའི་ཐུགས་རྗེས་རང
134a4 བྱུང་དུ་བསྟན་པ་ནི།། སངས་རྒྱས་མཉམ་སྦྱོར་དགོངས་པ་ཡིན།། དེའི་འཁྲུལ་རྟོག་གཅད་པ་ནི།། མྱ་ངན་འདས་པ་ཐོག་མ་སངས་རྒྱས་ཀྱི།། གཞི་དགོངས་པ་རང་གནས་སུ་འབྱུང་བས། ད་ལྟའི་གང་ཟག་རྟོགས་པ
134a5 རྒྱུད་ལ་སྨིན་ན།། ཚིག་གི་དོན་མི་འབྱོར་རོ།། ཞེས་བྱང་ཆུབ་སེམས་དཔའ་སྤྲིན་གྱི་ཤུགས་ཅན་གྱིས་གསུངས་སོ།། སེམས་ཕྱོགས་ཆེན་པོ་ནམ་མཁའ་མཛོད་ཀྱི་རྒྱུད་ལས། བདེ་གཤེགས་ཐུགས་ཀྱི་ཉིང་ཁུ་རང་ས་བཞི
134a6 ལྡན་བསྟན་པ་སྟེ་ལེའུ་གསུམ་པའོ།། །། དེ་ནས་རྡོ་རྗེ་འཆང་ཆེན་པོས། བསམ་གཏན་རྩེ་མོ་དྲུག་པ་འདི་གསུངས་སོ།། སརྦ་བྷི་དྷུ་ཨེ་ཀྲ་བྷི་བྷི། ཆོས་ཐམས་ཅད་ཀྱི་སྒྲ་དབྱངས་རྣམ་པ་གསུམ་ནས་བཅས་ཏེ། འཇིག
iiif viewer powered by OpenSeadragon
