| e-texts navigator |
| Wylie |
133b1 ཏེ།། ཆོས་ཀྱི་སྐུའི་ཡེ་ཤེས་ལྔ་དང་། ཆོས་ཀྱི་དབྱིངས་ཀྱི་ཡེ་ཤེས་ཀྱི་འབྱུང་བ་ལྔ་རང་རང་སོ་སོའི་དོན་བྱེད་ཀྱང་། གཅིག་ཏུ་མ་འབྱོར་ན་ཐུགས་ནམ་མཁའི་མཐའ་དང་མཉམ་པ་མི་འབྱུང་ངོ་།། ཞེས་དོན་ཐུགས་སུ་ཆུད
133b2 ནས་སྦྱོར་བ་མཛད་དོ།། རིགས་ཀྱི་བུ་ཉོན་ཅིག། ཆོས་ཐམས་ཅད་ལ་ཤེས་པར་བྱ་བའི་ཡུལ་ནི་ཡོད་ལ། སྤྱད་པར་བྱ་བའི་ཆོས་ནི་མེད་དོ།། དེ་ཅིའི་ཕྱིར་ཞེ་ན། གཞི་དོན་གྱི་ཀུན་གཞི་ལ་བག་ཆགས་བཟང་པོའི་ས
133b3 བོན་བཏབ་པས། ཆོས་ཐམས་ཅད་མ་བཅིངས་པ་སྟེ། ཤེས་རབ་ཀྱི་རྩལ་སྦྱང་དུ་ཡོད་པའོ།། སྤྱད་པར་བྱ་བའི་ཆོས་ནི་གང་ལང་མེད་དེ།། རང་ཤེས་རིག་གི་རྒྱལ་པོ་འབའ་ཞིག་ཏུ་ཟད་དོ།། ལྟ་བ་རྒྱ་མ་ཆད་པའི་རིག
133b4 པ་དངོས་མེད་ཀྱི་ཡེ་ཤེས་ཡིན་ལ།། འབྲས་བུ་ཉེ་བར་གྲུབ་པ་ཆོས་ཐམས་ཅད་ཀྱི་ཤེས་རབ་ཀྱི་ཡུལ་དུ་ཟིན་པ་ཡིན་ནོ།། དེ་ཡང་དམ་ཚིག་གི་གཟུང་ཤོར་ཅིང་ཐུགས་རྗེའི་རླན་མེད་ན་ཐེག་པ་ཆེན་པོའི་མིང་མེད
133b5 དོ།། ཞེས་དགའ་རབ་རྡོ་རྗེས་རྡོ་རྗེ་ཆོས་ལ་གདམས་པའོ།། །། སེམས་ཕྱོགས་ཆེན་པོ་ནམ་མཁའ་མཛོད་ཀྱི་རྒྱུད་ལས། ལྟ་བའི་ཡི་གེ་དགུ་པའི་ལེའུ་སྟེ་གཉིས་པའོ།། དེ་ནས་རྡོ་རྗེ་འཆང་ཆེན་པོས་གསུངས
133b6 པ།། བདེ་གཤེགས་ཐུགས་ཀྱི་ཉིང་ཁུ་འདི།། སངས་རྒྱས་སྙིང་པོར་བཞག་པ་ཡིན།། རྒྱུ་ལ་འབྲས་བུ་རྫོགས་པ་སྟེ།། འབྲས་བུ་སྙིང་པོར་འདྲིལ་བ།། སྙིང་པོ་ལམ་དུ་ཁྱེར་བ།། རྟོགས་པ་རྒྱུད་ལ་སྨིན་པ།། རྒ་མེད
iiif viewer powered by OpenSeadragon
