| e-texts navigator |
| Wylie |
133a1 མེད་སྦྱོར་བ་ལས།། ཐུགས་རྗེའི་རོལ་པ་གང་ལ་ཅིས་འདུལ་བ།། འགྲོ་བའི་དོན་དུ་ཉག་གཅིག་ཀུན་ཏུ་གྲགས།། ཆོས་པ་རྣམས་ཀྱི་ཐ་དད་མཐོང་བས་གོལ།། དེ་ཕྱིར་ཉི་ཟླ་ལག་ཏུ་ཐོགས་ཀྱང་ང་མ
133a2 མཐོང་།། སྐྱེ་མེད་ནམ་མཁའ་ལྟ་བུའི་མཁའ་ཀློང་ནས།། ཤེས་རབ་ཟབ་མོ་འབྲུག་གི་སྒྲ་ལྟར་སྒྲོགས།། གངས་དཀར་རྩེ་ལ་སེང་ཆེན་འཕྱོ་བ་ལྟར།། ང་རོ་དྲག་པོ་བར་སྣང་ཁམས་སུ་སྒྲོགས།། སྐྱེ་མེད་ཀློང་ནས་སྒྲ་ཆེན
133a3 རང་བྱུང་བས།། བཙལ་མེད་བགྲོད་མེད་ཐུགས་རྗེས་དབྱིངས་སུ་འབྱིན།། ཐེག་དམན་བློ་ཆུང་འཁྲུག་པའི་མུན་ཁུང་དུ།། ཤེས་རབ་སྒྲོན་མ་བཏེག་ཀྱང་རང་གི་བསྒྲིབས།། ཤེས་རབ་བློ་ཆུང་ཐེག་པ་མས་བགྲོད
133a4 རྣམས།། རྒོད་པོ་གཤོག་ཆག་ནམ་འཕངས་མི་ཆོད་ལྟར།། བཙལ་མེད་ཆོས་ལ་རྩོལ་བའི་ནད་ཀྱིས་ཟིན།། འབྲུག་གི་སྒྲ་སྐད་གྲགས་ཀྱང་ངས་མ་ཟོས།། ཡོན་ཏན་བཞི་ལ། ཀྱེ་སེམས་དཔའ་ཆེན་པོ་ཉོན་ཅིག། ངའི
133a5 རིག་པ་ཆོས་ཀྱི་སྐུ་ཡེ་ཤེས་ཀྱི་མར་མེ་སྐྲ་ཅིག་པ་ནི།། ནམ་མཁའ་ལྟར་ཁྱབ་པའི་ཡེ་ཤེས་མ་འགགས་པའོ།། ས་གཞི་ལྟར་ཐམས་ཅད་འབྱུང་བའི་གཞི་མ་འགགས་པའོ།། ཉི་ཟླ་ལྟར་ཐབས་ཤེས་རབ་ཀྱི་སྒོ་མ་འགགས
133a6 པའོ།། ཆུ་བོ་གངྒཱའི་རྒྱུན་བཞིན་དུ་ཐུགས་རྗེ་ད་བྲི་བསྒོམ་མི་མངའ་འོ།། དེ་ནས་བྱང་ཆུབ་སེམས་དཔའ་སེམས་དཔའ་ཆེན་པོས་ཤེས་རབ་ཀྱི་དབུགས་ཕྱིན་ཏེ། དངོས་པོ་ཡེ་ཤེས་སྦྱོར་བའི་ཏིང་ངེ་འཛིན་ལས་བཞེངས
iiif viewer powered by OpenSeadragon
