| e-texts navigator |
| Wylie |
132b1 ལ། ང་ནི་རིག་པ་ཆོས་ཀྱི་སྐུ། སྣང་མེད་སྣང་སྲིད་ཀུན་གྱི་བདག། ཟབ་ཅིང་གཏིང་དཔག་དཀའ་བ་སྟེ།། ཆུང་ཆེའི་ལྟོ་བ་ཁེངས་པ་མེད།། དེ་ཕྱིར་སྣང་སྲིད་ལྟོ་རུ་ཟོས་ཀྱང་ང་མ་འགྲངས།། རིག་པའི་སྙིང་པོ་ཏིལ་འབྲུའི
132b2 ཆ་དང་མཐུན།། དེ་ཡི་རང་ལུས་མཚོན་པ་སྤུ་རིས་ཙམ།། དེ་ཡི་རང་གདངས་ནམ་མཁའི་མཐའ་དང་མཉམ།། དེ་ཡི་སྙིགས་མ་འཁྲུལ་པའི་འབྱུང་བ་ལྔ།། ཤེས་རབ་ཟབ་མོ་རྟོགས་པའི་སྐྱེས་བུ་ཡིས།། དང་པའི་ལུས
132b3 ལས་འབྱུང་བ་རང་སར་ཐིམ།། འབྱུང་བ་ཁྱུར་མིད་བྱས་ཀྱང་ཡངས་དོག་མེད།། རིག་པའི་གདངས་ནི་ནམ་མཁའི་མཐའ་དང་མཉམ།། རིག་པ་དངོས་མེད་ཡིན་པར་ཆོས་ཤེས་ན།། རང་གདངས་རང་ལུས་ཡིན་པར
132b4 རང་གིས་ཤེས།། དེ་ན་ནམ་མཁའ་གོས་སུ་གོན་ཡང་ང་མ་གཡོགས།། འགྱུར་མེད་ཆོས་ཀྱི་སྐུ་ནི་ཐམས་ཅད་འབྱུང་བའི་གཞི།། ས་གཞི་ལྟ་བུའི་ཆོས་ཉིད་ཐ་དད་མེད།། རང་བྱུང་རང་གྲོལ་བཙལ་མེད་རང་ལ
132b5 རྫོགས།། དེ་བཞིན་འགྱུར་མེད་ཆོས་སྐུ་རང་རྫོགས་ལ།། ཕྱི་ནང་སྣོད་བཅུད་སྣང་སྲིད་འཁོར་འདས་ཀུན།། རང་གི་ཐུགས་རྗེས་རང་གི་རྩལ་དུ་ཤར།། སྐད་ཅིག་མ་འགགས་ཆོས་ཉིད་གདན་དུ་སྣང་།། དེ་ཕྱིར་ས་གཞི
132b6 གདན་དུ་གཏིངས་ཡང་ང་ཤོང་ཙམ།། རང་རིག་རྒྱལ་པོ་མ་འགགས་ཡོངས་སུ་གསལ།། ཐབས་ཀྱི་ཡེ་ཤེས་མ་བསྒྲིབས་ཀུན་ལ་ཤར།། ཤེས་རབ་འགྱུར་མེད་རྒྱ་མཚོ་གཏིང་དང་མཉམ།། ཐབས་དང་ཤེས་རབ་གཉིས
iiif viewer powered by OpenSeadragon
