| e-texts navigator |
| Wylie |
131a1 སངས་རྒྱས་བདེ་ཆེན་སྐྲ།། ཉོན་མོངས་སྒྲོན་གྱིས་མ་གོས་ཤེས་རབ་གསུང་།། མ་ཆགས་སྒྲོན་གྱིས་མ་གོས་སྐུ་མདོག་དཀར།། ཐེག་པ་ཀུན་གྱི་ནང་ནས་ཡངས་ཆེ་བ།། གླང་ཆེན་གཤིབས་པའི་གདན་ལ
131a2 སྐྱིལ་མོ་ཀྲུང་།། ཐུགས་མཆོག་རྣམ་དག་སྤྲོས་མེད་ཐམས་ཅད་མཁྱེན།། དྲི་མེད་དག་པའི་སྐུ་ལ་ཕྱག་འཚལ་བསྟོད།། ཅེས་ཞུས་ཕྱག་ཕུལ་ནས། བྱང་ཆུབ་སེམས་དཔའ་འོད་ཟེར་ཉེ་བར་ཞི་བས། ལྟ་བའི་རྒྱལ་པོ་ནམ
131a3 མཁའི་མཐའ་དང་མཉམ་པ་འདི་གསུངས་སོ།། ན་མོ་བུདྡྷ་ཡ།། ན་མོ་དྷརྨཱ་ཡ། ན་མོཿསཾ་གྷ་ཡོ། ཞེས་དཀོན་མཆོག་གསུམ་ལ་ཞུ་ཕྱག་ནས་འདི་དག་ཟབ་ཏུ་གསུངས་སོ།། ཐོག་མའི་རངས་བསྟན་པའི་ཕྱིར།། ལྟ་བའི་ཡི
131a4 གེ་དགུ་པ་བཤད།། གཞི་ཡི་མཚན་ཉིད་བསྟན་པའི་ཕྱིར།། བདེ་གཤེགས་ཐུགས་ཀྱི་ཉིང་ཁུ་བཤད།། དགོངས་པ་གཏན་ལ་དབབ་པའི་ཕྱིར།། བསམ་གཏན་རྩེ་མོ་དྲུག་པ་བཤད།། སྣང་བ་རང་ལོག་འབྱུང་བའི
131a5 ཕྱིར།། འབྱུང་བ་ལྔ་སྦྱོར་མན་ངག་བཤད།། འཇུག་པ་རང་སར་གནས་པའི་ཕྱིར།། འཇུག་པ་བཞི་སྦྱོར་མན་ངག་བཤད།། དུས་ཚོད་རྒྱལ་ས་འཛིན་པའི་ཕྱིར།། རྒྱལ་པོ་བཀའ་ཡི་བརྡ་ཆོས་བཤད།། ཡེ་ཤེས་ཟང་ཐལ
131a6 ཡིན་པའི་ཕྱིར།། མཆོངས་པ་ལྔ་ཡི་མན་ངག་བཤད།། ཐམས་ཅད་གཏན་ལ་དབབ་པའི་ཕྱིར།། སྒོམ་ཉམས་དྲུག་པའི་མན་ངག་བཤད།། ཀྱེ་ཀྱེ་བྱང་ཆུབ་སེམས་དཔའ་རྣམས།། ཟབ་མོའི་དོན་ལ་འཇུག་པ་ནི་འདི་ལྟ
iiif viewer powered by OpenSeadragon
