| e-texts navigator |
| Wylie |
129b1 གསུང་བར་མཛད་དོ།། དེ་ཡང་བསྐལ་པ་བཟང་བའི་བྱང་ཆུབ་སེམས་དཔའ་འོད་ཟེར་ཞི་བས། བཅོམ་ལྡན་འདས་ལ་གསོལ་པ། ཐུགས་ཡེ་ཤེས་ཀྱི་དཀྱིལ་འཁོར་རང་བྱུང་དུ་འོད་འབར་བ། མཁྱེན་པའི་ཤེས་རབ
129b2 ཕྱིར་མི་ལྡོག་པ་དྲུག་དང་ལྡན་པ། སེང་གེ་ལྟ་བུའི་ལྟ་སྟངས་ཅན། གཟི་བྱིན་ཁོང་ནས་འཆར་བ། དཔལ་བདེ་བ་ཆེན་པོ་ལ་ཕྱག་འཚལ་ལོ།། སྐུ་གསུང་རྒྱལ་བའི་དགོངས་པ་མཐར་ཕྱིན་པ།། ཡོན་ཏན་དཔག་མེད་སྐུ
129b3 ལ་ཕྱག་འཚལ་འདུད།། མཐའ་ཡས་མུ་མེད་ཆོས་ཀྱི་དོན་བརྗོད་པ། ཤེས་རབ་མཐར་ཕྱིན་རང་བཞིན་རྣམ་པར་དག། བདེ་ཆེན་འགྱུར་མེད་སྐུ་ལ་ཕྱག་འཚལ་འདུད།། མཉམ་ཉིད་མི་གཡོ་འགྱུར་མེད་ཆོས་ཀྱི
129b4 སྐུ། ཐུགས་རྗེའི་འོད་ཟེར་སྤྱན་གསུམ་རྣམ་པར་དག། ཡོན་ཏན་རྒྱས་པ་གསེར་གྱི་མདོག་འདྲ་ལ།། ཉི་མ་སྟོང་གི་འོད་ཟེར་འཕྲོ་བའི་ཚེ།། བྱང་ཆུབ་མྱུ་གུ་སྤྲུལ་པ་གྲངས་མེད་འཕྲོ།། འགྲོ་དོན་མཐར་ཕྱིན་ཁྱོད་ལ་ཕྱག
129b5 འཚལ་བསྟོད།། རྡོ་རྗེ་རྩེ་མོ་ནམ་མཁའི་མཐའ་དང་མཉམ།། རྡོ་རྗེའི་གདན་ནི་ཟབ་ཅིང་གཏིང་དཔག་དཀའ།། རྡོ་རྗེའི་སྐུ་ནི་སྣ་ཚོགས་ཅིར་ཡང་སྟོན།། རྡོ་རྗེའི་གསུང་ནི་རྣམ་པ་ཅིར་ཡང་སྒྲོགས།། རྡོ་རྗེའི་ཐུགས་ནི
129b6 འགྱུར་མེད་མྱ་ངན་འདས།། བདག་འདྲ་དམན་པས་བསྟོད་པར་མི་འོས་ཀྱང་།། ཉིད་ཀྱི་ཞལ་མཐོང་གསུང་ཐོས་ཐུགས་མཁྱེན་པས།། འགྲོ་བ་མཐའ་མེད་དྲང་བའི་དོན་སླད་དུ།། ཀུན་བཟང་རྫོགས་ཆེན་སྐུ་ལ་ཕྱག
iiif viewer powered by OpenSeadragon
