| e-texts navigator |
| Wylie |
129a1 བདག་མི་བགྱིད།། མ་རིག་རྐྱེན་གྱིས་དབང་སོང་ནས།། གལ་ཏེ་འགལ་བར་བསྟན་གྱུར་ན།། བདག་འཇམ་དཔལ་བཤེས་གཉེན་གྱིས་ལུས་ཡང་དུམ་བུར་གྱུར་ཅིག། མགོ་ཡང་ཚལ་བ་སྟོང་དུ་ཁོས
129a2 ཤིག། ཟས་སུ་ཁྲོ་ཆུ་སྐོམ་དུ་མེ་མར་དུ་སོང་ཞིག། ཅེས་རང་དམ་རང་གིས་བཅས་ཏེ།། ཆགས་སྡང་ཟད་པའི་གསང་ཐིགས་བསྟན་པ་སྟེ་བཅོ་བརྒྱད་པའོ།། རྫོགས་སོ།།
129a3 རྒྱ་གར་སྐད་དུ།། བོ་དྷི་ཙིཏྟ་དེ་ཤི་ཀ་ཨེ་ཀ་ཤ་མ་ཧཱ་ཀོ་ཤ་ཏནྟྲ་ནཱ་མ། བོད་སྐད་དུ། བྱང་ཆུབ་སེམས་ཕྱོགས་ཆེན་པོ་ནམ་མཁའ་མཛོད་ཀྱི་རྒྱུད་ཅེས་བྱ་བ། དཔལ་ཀུན་ཏུ་བཟང་པོ་ལ་ཕྱག་འཚལ་ལོ།། འདི
129a4 སྐད་བདག་གིས་ཐོས་པའི་དུས་གཅིག་ན། ཆོས་ཀྱི་དབྱིངས་ཀྱི་ཕོ་བྲང་དུ། རིག་པ་ཆོས་ཀྱི་སྐུས། རང་གི་རྩལ་ཤེས་རབ་ལོངས་སྤྱོད་རྫོགས་པའི་སྐུ་རིགས་ལྔའི་བདེ་བར་གཤེགས་པ་རྣམས་ལ། ཏིང་ངེ་འཛིན་གྱིས
129a5 བཤད་པ་མེད་པར་བཤད་པའོ།། དེ་ནས་རིགས་ལྔའི་བདེ་བར་གཤེགས་པ་རྣམས་ཀྱི། འོག་མིན་ལྕང་ལོ་ཅན་གྱི་ཕོ་བྲང་དུ། སངས་རྒྱས་གཞོན་ནུ་མཚན་རབ་ཏུ་ཤེས་པ་ལ། ཏིང་ངེ་འཛིན་གྱིས་བཤད་པ་མེད་པ
129a6 བཤད་པའོ།། དེ་ནས་བྱང་ཆུབ་ཡིད་འདྲེས་ཀྱི་ཚུལ་དུ། སངས་རྒྱས་གདུགས་དམ་པ་ཉིད་ཀྱི་ཐུགས་ལས་ཕྱུང་སྟེ་ལྗགས་ཀྱི་རྩེ་ལས་སྤྲོས་ནས། རྫོགས་པ་ཆེན་པོ་ནམ་མཁའ་མཛོད་ཀྱི་རྒྱུད།། ཆོས་ཉིད་ནམ་མཁའ་འདི
iiif viewer powered by OpenSeadragon
