| e-texts navigator |
| Wylie |
127a1 ནི་སྐྱེས་པ་ཅིག་སྐྱེ་མེད།། གཞི་ནི་འཁོར་བའི་ལམ་ཡིན་ཏེ།། གཅིག་ནི་རྣམ་དག་ལམ་ཆེན་ཡིན།། རེ་རེ་ལ་ཡང་ལམ་ལྔ་སྟེ།། མདོར་སྡུས་ལྔ་ནི་འདི་ལྟའོ།། ཤིན་ཏུ་སོ་སོ་ཚོགས་ཀྱི་ལམ།། སོ་སོ་མ་ནིང
127a2 སྦྱོར་བའི་ལམ།། སོ་སོ་ཡང་དག་མཐོང་བའི་ལམ།། སོ་སོ་རང་དག་སྒོམ་པའི་ལམ།། སོ་སོ་མ་ཡིན་མཐར་ཕྱིན་ལམ།། འབྲས་བུ་ལྔ་ནི་འདི་ལྟ་སྟེ།། སོ་སོ་རང་རེའི་འབྲས་བུ་ལྔའོ།། སོ་སོའི་འབྲས་བུ་དགྲ་བཅོམ
127a3 པའོ།། སོ་སོ་མ་ནིང་འབྲས་བུ་བསེ་རུ་ལྟ་བུའོ།། སོ་སོ་ཡང་དག་འབྲས་བུ་ཤེས་དག་པ་སྟེ།། བླ་མེད་བྱང་ཆུབ་པའོ།། སོ་སོ་རང་དག་འབྲས་བུ་བདག་ཉིད་བེ་བའོ།། སོ་སོ་མ་ཡིན་འབྲས་བུ་ལྷུན་གྲུབ་པའོ།། རིག་ལྔ
127a4 ལམ་ལྔའི་བྱེ་བྲག་ནི།། ཉོན་མོངས་ལྔ་དང་འགྲོ་བ་ལྔ།། འབྱུང་བ་ལྔ་དང་ཕུང་པོ་ལྔ།། འཁོར་འདས་ཀྱི་བསྡུས་པའི་ཆོས།། རིག་པའི་གཞི་ལྔར་རྒྱལ་བས་གསུངས།། དེ་ལས་གཞན་པའི་ཆོས་མེད་ཀྱིས།། དེ་ཡི་བྱེ་བྲག
127a5 ཤེས་པར་གྱིས།། སྐལ་ལྡན་བློ་ལ་གོ་བར་གྱིས།། ཞེས་གཞི་ལྔ་ལམ་ལྔའི།། གསང་ཐིག་སྟེ་བཅུ་དྲུག་པའོ།། །། བཅོམ་ལྡན་འདས་གཅོད་བྱེད་རྒྱལ་པོ་ལ་ཕྱག་འཚལ་ལོ།། ཨེ་མ་འཆིང་བར་མ་བྱེད་དང་།། ཐོང་ཐོང
127a6 ཆགས་སྡང་ཐོང་།། རྟོགས་བྱེད་མེད་ཀྱིས་མ་ཆགས་ཤིག། རྟོགས་ཡུལ་མེད་ཀྱིས་མ་ཆགས་ཤིག། རྟོགས་པ་ལྟ་བུའི་སྡིག་པ་མེད།། སྒོམ་མཁན་མེད་པས་མ་ཆགས་ཤིག། སྒོམ་ཡུལ་མེད་ཀྱིས་མ་ཆགས་ཤིག། སྒོམ་པ
iiif viewer powered by OpenSeadragon
