| e-texts navigator |
| Wylie |
125a1 ནི།། དུང་ཉིད་དཀར་པོར་རང་བྱུང་ལ།། བྱ་དང་བྱེད་པ་ག་ལ་ཡོད།། ཆུ་ཉིད་རང་རླན་ལ་སོགས་ལ།། བྱ་དང་བྱེད་པ་ཡོད་དམ་མེད།། ཡོད་ན་རང་རླན་ཅི་ཕྱིར་ཡིན།། བླུན་པོ་ཁ་ཅིག་འདི་སྐད
125a2 ཟེར།། རིག་པར་བྱ་དང་བྱེད་པ་ཡིས།། བྱ་བྲལ་རྟོགས་པར་བྱེད་དོ་ཟེར།། བྱ་དང་བྱེད་པོ་གཉིས་འདུས་ནས།། བྱ་བ་ལ་རྟོགས་པར་བྱེད་པ་ན།། འདུས་ནས་བྱས་ཏེ་བྱས་ནས་བྱ་བྲལ་འདོད་པ་བླུན།། རིག་པ་བྱར
125a3 མེད་རིག་པ་མིན་ཞེ་ན།། དཔེར་ན་དུང་གི་དཀར་པོ་ཡང་།། དཀར་བར་བྱར་མེད་དཀར་མིན་ནམ།། དེ་ནི་དཀར་པོ་རང་ཡོད་དོ།། ཞེ་ན་འདིར་ཡང་གཉིས་མེད་ཡེ་ཤེས་དང་།། རྣམ་པར་དག་དང་སྤྱོད་ཡུལ་དག། ལ
125a4 སོགས་མཚན་ཚོད་དེ་ལ་བྱ།། རིག་པར་བྱ་དང་བྱེད་མེད་ན།། བྱ་བ་བྲལ་ཕྱིར་རང་རིག་གོ། གལ་ཏེ་རིག་པར་བྱ་ཡོད་ན།། རང་བྱུང་རང་རིག་ཅི་ཕྱིར་ཡིན།། རིག་པ་རྐྱེན་གྱིས་སྐྱེས་པ་ན།། རྐྱེན་ཞེས་གཉེན་པོས་ཅིས
125a5 མ་འཇིག། རང་རིག་ཆོས་ཉིད་དོན་རྟོགས་དང་།། རྐྱེན་རིག་ཆོས་ཅན་བརྟག་རྟོགས་གཉིས།། རྟོགས་པར་འདྲ་སྟེ་འཁོར་འདས་གཉིས།། རང་རིག་རྒྱུན་ཏུ་མ་གནས་པས།། རྨོངས་པ་ཀུན་ལ་མི་འཐད་དེ།། དེ་ལ་འདི།
125a6 སྐད་བརྟག་པར་བྱ།། ཁྱོད་རང་ཉིད་ཀྱི་གཞུང་ལྟར་ན།། ད་ལྟར་རྟོགས་པ་ཡོད་དམ་མེད།། ཡོད་ན་རྒྱུན་དུ་གནས་མི་གནས།། གནས་ན་གཟུང་འཛིན་ཡོད་དམ་མེད།། ཡོད་ན་རྟོགས་པ་ཅི་ཕྱིར་ཡིན།། མེད་ན་མངོན
iiif viewer powered by OpenSeadragon
