| e-texts navigator |
| Wylie |
124a1 འགལ་བའོ།། གལ་ཏེ་གཅིག་མིན་ཐ་དད་མིན་པ་ན།། འབེབས་མིན་མི་འབེབས་མིན་པར་འགྲོ།། དོན་མིན་ཀུན་རྫོབ་འབེབས་ཟེར་ན།། ཀུན་རྫོབ་དོན་དམ་ཕན་མི་ཕན།། ཕན་གདགས་ཀུན་རྫོབ་ཅི
124a2 ཕྱིར་ཡིན།། མིང་ཀུན་ཀུན་རྫོབ་བདེན་མེད་ཐལ།། རྟོགས་བྱ་རྟོགས་བྱེད་ལྷན་སྐྱེས་ལ།། བྱ་བྱེད་མེད་པས་སྐྱེ་མེད་རྟོགས།། ཆོས་རྣམས་གཉིས་སུ་མེད་པ་ལ།། རྟོགས་བྱའི་དུས་སུ་རྟོགས་བྱེད་མེད།། རྟོགས་བྱེད
124a3 དུས་སུ་རྟོགས་བྱ་མེད།། འཁོར་བའི་དུས་སུ་མྱང་འདས་མེད།། མྱང་འདས་དུས་སུ་འཁོར་བ་མེད།། འཁྲུལ་དང་མ་འཁྲུལ་དེ་དང་མཚུངས།། རྟོགས་བྱ་རྟོགས་བྱེད་ཐ་དད་ལ།། རྨོངས་པ་གཉིས་མེད་རང་བྱུང
124a4 ཟེར།། འབྱུང་རྒྱུ་ཡོད་པས་འགག་རྒྱུ་ཡོད།། དེ་ནི་འཁྲུལ་པའི་རང་བྱུང་ངོ་།། རྟོགས་པར་བྱ་བྱེད་གཉིས་བྱུང་ནས།། གཉིས་མེད་ཟེར་བའི་རྨོངས་པ་དང་།། ཐབས་སྒོ་དུ་མས་རྟོགས་བྱས་ནས།། རང་བྱུང་བྱ་བྲལ་ཟེར
124a5 བ་དང་།། རྨོངས་པ་ཁ་ཅིག་འདི་སྐད་ཟེར།། རྟོགས་པ་རྐྱེན་དང་ཐབས་ལ་རབ།། རྟོགས་པའི་ཟབ་ནི་བྱ་བྲལ་ཞིང་།། རང་བྱུང་ཡིན་ནོ་ཟེར་བ་ཡོད།། རྟོགས་དང་རྟོགས་དོན་སོ་སོ་ལ།། གཅིག་ནི་རང་བྱུག་གཅིག་རྐྱེན
124a6 བྱུང་བ་དང་།། གཅིག་ནི་བྱ་བྲལ་གཅིག་བྱས་པ།། ཟེར་ཏེ་དེ་ལ་འདི་སྐད་བརྟག། དེ་གཉིས་གཅིག་གམ་ཐ་དད་བརྟགས།། ཐ་དད་གཅིག་བེམ་གཅིག་རིག་སྟེ།། ཡང་ན་གཉིས་ཀ་རྫས་སུ་ཐལ་ལོ།། ཡང་ན་འདུས
iiif viewer powered by OpenSeadragon
