| e-texts navigator |
| Wylie |
9b1 རྩ་ཐིག་ལེ་གཅིག་པས་གསལ་བའི་ཐ་སྙད་མེད།། དམ་ཚིག་ཁྱུང་ཆེན་ལྡིང་སྟེ་གང་ལ་ཉམ་ང་མེད།། མ་བཙལ་ལྷུན་གྲུབ་རང་བཞིན་ཡེ་སངས་རྒྱས།། རང་བྱུང་ཡེ་ཤེས་ཐིག་ལེ་ཉག་གཅིག་མ།། གཞན་ནས་བཙལ་དུ
9b2 མེད་དེ་ཡེ་ནས་སྙིང་པོ་བྱང་ཆུབ་སེམས།། ཐམས་ཅད་འདི་ཉིད་འདི་ལས་གཞན་མིན་པས།། འཕྲིན་ལས་ཁྱུང་ཆེན་ལྡིང་སྟེ་གང་ལ་ཉམ་ང་མེད།། མི་གཡོ་མ་ཡེངས་གང་ལ་སེམས་པ་མེད།། མི་འཛིན་མི་རྟོག་དེ་བཞིན
9b3 ཉིད་དུ་གསལ།། རིག་པ་རྒྱུན་ཆགས་གསལ་བ་ངང་གི་གཟེར།། གང་དུ་མི་འགྱུར་དེ་བཞིན་ཉིད་དུ་གནས།། སྒོམ་པ་ཁྱུང་ཆེན་ལྡིང་སྟེ་གང་ལ་ཉམ་པ་མེད།། ཆོས་རྣམས་ངོ་བོ་སྙིང་པོ་བྱང་ཆུབ་སེམས།། གཏིང་དཔག
9b4 གཅད་དཀའ་ནམ་མཁའ་རྒྱ་མཚོའི་ཀློང་།། ཡོན་ཏན་ཀུན་འབྱུང་ཡིད་བཞིན་ནོར་བུའི་ཚུལ།། སྙིང་པོ་གཅིག་སྟེ་ཆུ་ཟླའི་ཉི་ཟེར་འདྲ།། ཀུན་ཀྱང་ཡོངས་བརྡལ་ཐུགས་རྗེ་ཆེན་པོའི་ངང་།། ཐུགས་རྗེ་བྱུང་ཆེན་ལྡིང་སྟེ
9b5 གང་ལ་ཉམ་པ་མེད།། སྙིང་པོ་མཆོག་ཏུ་གྱུར་པའི་བྱང་ཆུབ་སེམས་ཉིད་ནི།། རྒྱུ་ལ་རག་མ་ལུས་པས་རྐྱེན་གྱིས་འཇིག་མཐའ་མེད།། ཀུན་གྱི་རྒྱུ་ཉིད་འབྲས་བུའི་མཆོག་གྱུར་པས།། ཚོགས་གཉིས་མ་བསགས་རང
9b6 བཞིན་ལྷུན་གྱིས་རྫོགས།། རྒྱུ་འབྲས་ཁྱུང་ཆེན་ལྡིང་སྟེ་གང་ལ་ཉམ་ང་མེད།། ངེས་པའི་ཁྱུང་དགུ་ལྡིང་པས་སྣང་སྲིད་ཡེ་སངས་རྒྱས།། འཁོར་བ་རྩ་བ་བཅད་ཀྱང་མྱ་ངན་འདས་པ་མེད།། ས་ལམ་སྒོ་ཕུགས་མེད་པར
iiif viewer powered by OpenSeadragon
