| e-texts navigator |
| Wylie |
9a1 རྒྱས་སེམས་ཅན་གཉིས་པ་གདོད་ནས་མེད།། ལྟ་བ་གཤོག་རྫོགས་མཁའ་ལ་ལྡིང་ཞེས་པའོ།། བྱང་ཆུབ་སེམས་ཀྱི་མན་ངག་ཁྱུང་ཆེན་ལྡིང་བའི་རྒྱུད།། རྡོ་རྗེ་ཚིག་གི་ཡང་དག་དོན་བསྟན་པ། ཁྱུང་ཆེན
9a2 གཤོག་རྫོགས་མཁའ་ལྡིང་གང་ལ་ཉམ་པ་མེད།། རྫོགས་པའི་རྫོགས་པ་བྱང་ཆུབ་སྙིང་པོ་ཉིད།། ཐམས་ཅད་རང་བཞིན་ཉིད་དེ་གང་ལ་ཉམ་པ་མེད།། མ་བཅོས་ཐིག་ལེ་གཅིག་པས་སྣང་སྲིད་ཡེ་སངས་རྒྱས།། དོན་གྱི
9a3 ཁྱུང་ཆེན་ཆོས་ཀྱི་དབྱིངས་ན་ལྡིང་།། ཐིག་ལེ་དང་སྟེ་གང་ལ་ཉམ་ང་མེད།། སྣངས་སྲིད་ཕྱི་ནང་རང་བཞིན་ཀུན་སངས་རྒྱས།། གདོད་ནས་མ་བཅོས་སྙིང་པོ་དེ་བཞིན་ཉིད།། གདགས་པའི་ཐ་སྙད་ཀུན་ལ་གང་ཡང
9a4 སྤངས་པ་མེད།། འདི་ཞེས་བསྟན་པའི་དོན་མེད་སྟོན་པ་ཅང་མི་གསུང་།། ལྟ་བ་ཁྱུང་ཆེན་ལྡིང་སྟེ་གང་ལ་ཉམ་པ་མེད།། ལྟ་བས་བལྟར་མེད་ཡིད་ལ་འདི་བཞག་མེད།། སྒོམ་དུ་ཅང་མེད་གཟུང་འཛིན་ཡུལ་མི
9a5 གནས།། མ་བཅོས་དེ་བཞིན་ཉིད་ནས་མན་ངག་དོན་གྱི་ཀློང་།། གང་ལ་ངང་གིས་གནས་པར་རིག་པ་རང་ལ་གསལ་བའི་ཟེར།། མན་ངག་ཁྱུང་ཆེན་ལྡིང་སྟེ་གང་ལ་ཉམ་ང་མེད།། སྙིང་པོ་མཆོག་ཏུ་གྱུར་པའི་བྱང་ཆུབ
9a6 སེམས་ཉིད་ནི།། གདོད་ནས་རྣམ་དག་གང་ལྟར་འཆར་མི་མཛད།། མི་སྤོང་མི་ལེན་བཀག་དང་མ་བཀག་མེད།། མཉམ་པ་ཆེན་པོ་མཛད་སྤྱོད་རྣམ་པར་དག། སྤྱོད་པ་ཁྱུང་ཆེན་ལྡིང་སྟེ་གང་ལ་ཉམ་ང་མེད།། གཞི
iiif viewer powered by OpenSeadragon
