| e-texts navigator |
| Wylie |
6b1 བྲལ།། ཤེས་རབ་གསུམ་གྱིས་འདི་སྦྱར་ག་ལ་ཡོད།། ཅེས་གསུངས་སོ།། བྱང་སེམས་ཐིགས་པ་ཕྱི་མའི་རྒྱུད་ལས།། ཐ་དད་མེད་པའི་ཐིགས་པ་སྟེ།། ཐིགས་པ་བཅུ་བཞི་པའོ།། །། དེ་ནས་ཡང་སྟོན་པས།། འཁོར
6b2 རྣམས་ལ་གསུངས་པ།། ཐམས་ཅད་མཉམ་པའི་དཀྱིལ་འཁོར་ཀུན་གྱི་རང་བཞིན་ལ།། རང་བྱུང་ཡེ་ཤེས་དེ་ལ་མཐར་ཕྱིན་ནི།། སོ་སོ་མ་ཡིན་གཅིག་གི་ངང་སྟེ་རྒྱུ་འབྲས་རྣམ་པར་དག། ཐུགས་རྗེ་ཞིང་དུ་བྱིན་གྱིས
6b3 བརླབས་ཆེན་ཉིད་དུ་འགྱུར་བ་ལས།། ཐམས་ཅད་སངས་རྒྱས་མཆོག་ཏུ་མ་གྱུར་མེད།། ཅེས་གསུངས་སོ།། བྱང་སེམས་ཐིགས་པ་ཕྱི་མའི་རྒྱུད་ལས།། རྣམ་པར་དག་པའི་ཐིགས་པ་སྟེ།། ཐིགས་པ་བཅོ་ལྔ
6b4 པའོ།། །། དེ་ནས་ཡང་སྟོན་པས།། འཁོར་རྣམས་ལ་གསུངས་པ།། ཅི་ཡང་མི་དགོས་བསྲུང་བའི་ཡེ་ནས་རྣམ་པར་དག་པའི་སྨན་ཆེན་པོ།། ཇི་བཞིན་རང་བཞིན་གནས་པའི་སྨན་ཆེན་མ་བྱས་ན།། འཁྲུལ་རྟོག་ལམ
6b5 ལ་གནས་པའི་ཐིག་དམན་རྣམས།། དུག་གསུམ་དུག་ལྔའི་ནད་ཀྱིས་གསོ་བླགས་མེད།། ཡེ་ནས་ས་རྫོགས་ལམ་གྱི་བགྲོད་པ་གདོད་ནས་དག། ཆོས་སྐུ་གདོད་ནས་ཐོབ་བྱ་ཅི་ཡང་མེད།། ཚིག་གིས་མི་ཕེབས་དབྱིངས
6b6 དང་ཁ་དོག་མེད།། བརྟན་ཅིང་རྟག་པར་དཀའ་ལ་བརྗོད་དུ་རྡུལ་ཙམ་མེད།། མི་དམིགས་མི་གནས་བསམ་པ་ཀུན་དང་བྲལ་བ་ཡིན།། ཅེས་གསུངས་སོ།། བྱང་སེམས་ཐིགས་པ་ཕྱི་མའི་རྒྱུད་ལས།། རྣམ་པར་དག
iiif viewer powered by OpenSeadragon
