| e-texts navigator |
| Wylie |
5b1 སྟོན་པས།། འཁོར་རྣམས་ལ་གསུངས་པ།། རྡོ་རྗེ་འགག་པ་མེད་པ་དེ་ཁོ་ན།། མཇུག་ལྟ་བསྲུང་འཛིན་ཕྱིར་སོགས་ལ་སོགས་ཤིང་།། ཕྱག་རྒྱ་ལྷ་ཡི་དཀྱིལ་འཁོར་ཀུན་རྫོགས་པ།། རང་བཞིན་ཉིད་ཀྱིས་ཡེ་ནས་རྫོགས
5b2 པ་ལ།། བཙལ་ནས་བསྡུས་ཏེ་རྫོགས་པ་མ་ཡིན་པས།། ལྷུན་རྫོགས་ཐ་སྙད་མ་ཡིན་པའི།། གཟུགས་སྐུ་ཇི་ལྟར་རྫོགས་པར་རང་བཞིན་རྫོགས།། ཀུན་རྫོགས་སྙིང་པོ་འདི་ནི་ནོར་བུའི་ཚུལ།། འདི་མ་མཐོང་གི་རྣལ
5b3 འབྱོར་ནི།། རྒྱ་མཚོ་གངྒཱའི་འགྲམ་དུ་སྐོམ་དྲིར་ཤི་བ་བཞིན་ནོ།། ཞེས་གསུངས་སོ།། བྱང་སེམས་ཐིགས་པ་ཕྱི་མའི་རྒྱུད་ལས།། ཡེ་རྫོགས་ཆེན་པོའི་ཐིགས་པ་སྟེ།། ཐིགས་པ་བཅུ་གཅིག་པའོ།། །། དེ་ནས་ཡང་སྟོན
5b4 པས།། འཁོར་རྣམས་གསུངས་པ།། རྣམ་པར་མི་རྟོག་ཡེ་ཤེས་སྙིང་པོ་འདི།། ཐེག་པ་ཡོངས་ཀྱི་ཆོས་ལ་སྦས་པ་མེད།། བགྲོད་རྩོལ་ལམ་ལ་སྦྱངས་པས་རྙེད་མེ་འགྱུར།། མི་ལེན་མི་སྤོང་རྡོ་རྗེ་སྤྱོད་པ་ལ།། རྣམ་པ་ཀུན
5b5 ཏུ་རང་བཞིན་གནས།། ཆོས་རྣམས་རོ་གཅིག་བསྒོམས་དང་མ་བསྒོམས་གཉིས་སུ་མེད།། སེམས་ཉིད་ཡེ་ནས་ཆོས་ཉིད་ཁོ་ནར་བས།། རང་བྱུང་ཡེ་ཤེས་ནམ་མཁའ་ལྟ་བུའི་ཡུལ།། དེ་ཉིད་གཞན་ནས་རྟོགས་རྙེད་ག
5b6 ལ་འགྱུར།། རྨི་ལམ་བདེ་སྡུག་སད་ནས་ག་ལ་ཡོད།། རྟོག་དང་མི་རྟོག་ཤེས་རིག་ངང་དུ་མཉམ།། ནམ་མཁའ་མཚན་མེད་སྒོམ་པར་ག་ལ་འགྱུར།། སེམས་ཉིད་མ་སྐྱེས་སྒོམ་པའི་ཐ་སྙད་སྤངས།། བཏང་སྙོམས་ཆེན
iiif viewer powered by OpenSeadragon
