| e-texts navigator |
| Wylie |
5a1 རྙེད།། འདོད་པའི་ཡོན་ཏན་སྤངས་པས་བྱང་མི་ཆུབ།། འཁོར་བ་རྒྱབ་ཕྱོགས་མྱ་ངན་ཡོང་མི་འདའ།། ས་དང་ཕ་རོལ་ཕྱིན་ལ་ཟད་མཐའ་མེད།། སྣང་སྲིད་ཕྱག་རྒྱས་སྒོམ་པས་སངས་མི་རྒྱས།། ཞེས
5a2 གསུངས་སོ།། བྱང་སེམས་ཐིགས་པ་ཕྱི་མའི་རྒྱུད་ལས།། ལྷུན་གྱིས་གྲུབ་པའི་ཐིགས་པ་སྟེ་ཐིགས་པ་དགུ་པའོ།། །། དེ་ནས་ཡང་སྟོན་པས།། འཁོར་རྣམས་ལ་གསུངས་པ།། བྱང་ཆུབ་སེམས་ལུང་ཡང་དག་དམ
5a3 པའི་ལུང་།། ལུང་རྒྱལ་འདི་ཡིས་གཏན་ལ་མ་ཕབ་ན།། ཚིག་འཆལ་མུ་ཅོར་སྨྲ་བས་དོན་མི་རྙེད།། གང་ལའང་མི་གནས་གནས་ཉིད་ལས་ཀྱང་འདས།། སྨིག་སྒྱུ་ཆུ་རུམ་མཐོང་བས་ཆུ་མི་རྙེད།། བདེན་པ་གཉིས་འཛིན
5a4 ཡི་གེས་དོན་མི་རྙེད།། འཕུར་རྐྱེན་བྱའམ་རྒྱལ་པོའི་ཕྲུག་གུ་ལྟར།། གཞན་ནས་མི་རྙེད་ཡེ་ནས་དེ་བཞིན་ཉིད།། ཚད་མས་མི་ཤིགས་ལུང་གི་ཚད་མ་ཡིན།། འཁྲུལ་པའི་ཚད་མས་རྟོག་པའི་ལུང་ལ་ཕབ།། བྱིས་པ་སླུ
5a5 བའི་ཆོས་ལ་དེ་ཡོད་ལས།། བླ་མེད་ལམ་འདིར་དེ་མི་དགོས་ཏེ་ཚད་མེད་ལུང་།། ཤེས་རབ་ཆུང་བས་འདི་སྤོགས་བྱེད་ཅིང་ལམ་བགྲོད་བྱེད།། འདི་འདོད་པ་ལ་འདི་མི་གནས་ཏེ་རྟོགས་པའི་རླུང་།། ཡང་དག་མི་སྲིད
5a6 བྱང་ཆུབ་གཏིང་ནས་མེད།། ཀུན་ཁྱབ་ཡེ་སངས་རྒྱས་ཏེ་སྒོ་ཕུགས་མེད།། ཅེས་གསུངས་སོ།། བྱང་སེམས་ཐིགས་པ་ཕྱི་མའི་རྒྱུད་ལས།། བརྗོད་མེད་དོན་གྱི་ཐིགས་པ་སྟེ།། ཐིགས་པ་བཅུ་པའོ།། །། དེ་ནས་ཡང
iiif viewer powered by OpenSeadragon
