| e-texts navigator |
| Wylie |
4b1 མི་ལྟོས་ཡི་གེས་མཚོན་མེད་པའི།། ཉེ་ལམ་བདེ་རྫོགས་བྱ་བྲལ་ལྷུན་གྲུབ་ཉིད།། འཇུག་པའི་ལམ་ལ་མི་ལྟོས་ཡེ་སངས་རྒྱས་པ་ཡིན།། ཁྱུང་ཆེན་གཤོག་རྒྱས་མཁའ་ལ་མི་ཆགས་ལྟར།། ཐེག་པ་ཀུན་རྒྱས་བླ་མེད
4b2 ཡངས་པའི་ས།། ཞེས་གསུངས་སོ།། བྱང་སེམས་ཐིགས་པ་ཕྱི་མའི་རྒྱུད་ལས།། གཉེན་པོ་སྟོབས་ཀྱི་ཐིགས་པ་སྟེ།། ཐིགས་པ་བདུན་པའོ།། །། དེ་ནས་ཡང་སྟོན་པས།། འཁོར་རྣམས་གསུངས་པ།། ཁྱུང་ཕྲུག་སྒོ
4b3 ངའི་ནང་ནས་ལུས་རྒྱས་ལྟར།། སྐྱེ་མེད་དེ་བཞིན་ཉིད་ནི་རང་བཞིན་ཉིད།། ཆོས་ཉིད་ཐིག་ལེའི་ཀློང་ན་དེ་བཞིན་རྒྱས།། བྱེད་བྱ་བྱེད་མའི་ཆོས་ཉིད་མ་མཐོང་བར།། བླ་མེད་བདེ་བའི་ཆོས་སྐུ་ཐོབ་མི་སྲིད།། ཅེས
4b4 གསུངས་སོ།། བྱང་སེམས་ཐིགས་པ་ཕྱི་མའི་རྒྱུད་ལས།། ཡེ་སངས་རྒྱས་པའི་ཐིགས་པ་སྟེ།། ཐིགས་པ་བརྒྱད་པའོ།། །། དེ་ནས་ཡང་སྟོན་པས། འཁོར་རྣམས་གསུངས་པ།། ཀུན་འདུས་ཀུན་ཀློང་ཀུན་གྱི་ཡིད
4b5 བཞིན་ནོར།། མི་དམིགས་མི་སྐྱེ་མི་འགག་སྣང་བ་མེད།། སངས་རྒྱས་མི་འཚོལ་སངས་རྒྱས་མི་བསམ་ན།། ཐམས་ཅད་རང་རིག་ཡེ་ནས་བྱ་བྱེད་བྲལ།། ཡེ་ཤེས་ལྷུན་གྲུབ་ས་ཉིད་རྟོགས་པས།། གནས་མེད་དེ་ལ་མི
4b6 གནས་གནས་དང་བྲལ།། ལམ་མེད་ལམ་དུ་འདོད་པའི་འགྲོ་ས་འཁྲུལ།། འབྲས་བུ་ཐོབ་ཏུ་རེ་བ་འཇོག་པས་དོན་མེད་མཐོང་།། ཡང་དག་མཐའ་སྟག་དོན་དང་གོལ།། དེ་བཞིན་དབྱིངས་སུ་འདོད་པས་བདེ་མི
iiif viewer powered by OpenSeadragon
