| e-texts navigator |
| Wylie |
48a1 ཆེན་པོ་འདི་ལྟ་སྟེ།། དབྱེ་བ་རྣམ་པ་དགུ་རུ་འདོད།། ཉན་ཐོས་དང་ནི་རང་རྒྱལ་དང་།། དེ་བཞིན་བྱང་ཆུབ་སེམས་དཔའ་འོ།། ཀྲི་ཡ་དང་ནི་ཨུ་པ་ཡི།། དེ་བཞིན་ཡོ་ག་དག་དང་གསུམ།། མ་ཧཱ་ཨ་ནུ་ཡོ་ག
48a2 དང་།། དེ་བཞིན་རྫོགས་ཆེན་ཨ་ཏིའོ།། དེ་ལྟར་རྣམ་པ་དགུ་པ་ནི།། ཆོས་རྣམས་ཀུན་གྱི་བསྟན་པ་ཆེན་པོ་ཡིན།། དེ་སྐད་ཅེས་ནི་བདག་གིས་ཟོས།། ཡང་ཅིག་གཞོན་ནུ་ཁྲོ་གཉེར་ཅན།། སྟོན་པ་ཉིད་ལ་འདི་སྐད
48a3 ཞུས།། ཀྱེ་མ་སྟོན་པ་རྡོ་རྗེ་འཆང་།། ཐེག་པའི་རྣམ་གྲངས་དེ་ལྟར་ན།། ཐེག་པའི་བཤད་ལུགས་གསུང་དུ་གསོལ།། སྟོན་པས་ལན་དུ་བཀའ་སྩལ་པ།། ཀྱེ་ཧོ་གཞོན་ནུ་ཁྲོ་གཉེར་ཅན།། ང་ཡི་ཐེག་པ་བསམ་ཡས
48a4 ཀྱང་།། བཤད་ལུགས་རྣམ་པ་གཉིས་སུ་འདུས།། འཁོར་བ་དང་ནི་མྱང་འདས་སོ།། དེ་ཡང་འཁོར་བ་འདི་ལྟ་སྟེ།། ལོག་ལྷ་དང་ནི་དག་ལྷ་གཉིས།། དང་པོ་ལོག་པའི་ཐེག་པ་བཤད།། འཇིག་ཚོགས་གསུམ་བརྒྱ་དྲུག
48a5 ཅུར་འདོད།། སུམ་བརྒྱ་དབྱིངས་ལས་བཤད་པར་བྱ།། དྲུག་ཅུའི་ལྟ་བ་འདི་ལྟ་སྟེ།། ལེགས་པར་རྣམ་གྲངས་ཡིད་ལ་ཟུང་།། གྲངས་ཅན་ལོག་པར་སྨྲ་དང་གཅིག། བྱེ་བྲག་རང་གི་རྒྱུར་སྒྲ་གཉིས།། ཀུ་མ་ར་ཡི་གྲུབ
48a6 མཐའ་གསུམ།། གོལ་བ་དག་ཏུ་སྒྲ་དང་བཞི།། རྣ་མ་ཕུག་པར་འཛིན་དང་ལྔ།། གསང་བ་མེ་ལྔ་བསྟན་དང་དྲུག། མེ་རས་ཏིལ་མར་ལུས་བསྲེག་བདུན།། མདུང་རྩེ་གསུམ་པའི་དཀའ་ཐུབ་བརྒྱད།། ཚོང་དང་ཚོགས
iiif viewer powered by OpenSeadragon
