| e-texts navigator |
| Wylie |
47b1 སྟེ།། གསལ་སྟོང་དང་ནི་སྣང་སྟོང་དང་།། བདེ་སྟོང་དང་ནི་གྲགས་སྟོང་དང་།། རིག་སྟོང་དག་དང་རྣམ་ལྔས་བསྐོར།། ཐབས་ཅིག་ཏུ་ནི་བཞུགས་པའི་ཚེ།། བཅོམ་ལྡན་རྡོ་རྗེ་འཆང་ཆེན་ནི།། མི་གཡོ་བ་ཡི་ངང་ཉིད
47b2 ལས།། ལྷང་ངེ་ལྷམ་མེ་ལྷན་ནེར་བཞུགས།། དེ་ཚེ་དེ་ཡི་དུས་ཉིད་དུ།། འཁོར་རྣམས་ཀུན་ནས་ལྷགས་པའི་ལྷ།། གཞོན་ནུ་ཉིད་ནི་ཁྲོ་གཉེར་ཅན།། བླ་གོས་ཕྲག་པ་ཁ་ལ་བཀལ།། པུས་གཡས་ལྷ་ང་ས་ལ
47b3 བཙུགས།། སྟོན་པ་ཉིད་ལ་འདི་སྐད་ཞུས།། ཆོས་རྣམས་ཀུན་གྱི་མཐར་ཐུག་ནི།། ཐེག་པ་རྣམས་ལ་ཐུག་པས་ན།། འདི་ཡི་མ་བརྗེད་དབྱེ་བ་ནི།། བདག་ཅག་རྣམས་ལ་གསུང་དུ་གསོལ།། དེ་སྐད་ཅེས་ནི་ཞུས་པ
47b4 དང་།། དེ་ནས་སྟོན་པས་བཀའ་སྩལ་པ།། ཀྱེ་མ་གསང་བདག་ལེགས་པར་ཉོན།། ངས་བསྟན་ཡིད་ཀྱི་རྟོག་པ་སེལ།། ཁྱོད་ནི་རྩེ་གཅིག་ཡིད་ཀྱིས་ཉོན།། དེས་ན་ཡེ་ཤེས་ཀློང་ཡངས་ལས།། འོད་ཀྱི་ཡུལ་དང་རིག་པའི
47b5 གནས།། སྐུ་ཡི་མཁའ་ལ་གསུང་གི་ཟེར།། ཐུགས་ཀྱི་དབྱིངས་ནས་ཤེས་རབ་ཕོ་བྲང་དུ།། དེ་སྐད་ཅེས་ནི་རབ་ཏུ་གསུང་།། འདི་སྐད་བདག་གི་ཐོས་པ་ཡི།། དུས་དང་དྲན་པའི་ཚེ་ན་ནི།། ཐེག་པ་དབྱེ་བ་འདི་ལྟ
47b6 སྟེ།། མདོ་དང་རྒྱས་པ་ཆེན་པོ་དང་།། ཤིན་ཏུ་རྒྱས་པ་ཆེན་པོའོ།། བརྒྱད་ཁྲི་བཞི་སྟོང་བསམ་མི་ཁྱབ།། རྒྱ་ཆེ་གྲངས་མང་ཆེན་པོ་སྟེ།། བསམ་མི་ཁྱབ་སྟེ་གཞལ་དུ་མེད།། བརྗོད་མེད་བསམ་འདས་ཆེན་པོའོ།། རྒྱས་པ
iiif viewer powered by OpenSeadragon
