| e-texts navigator |
| Wylie |
47a1 གླིང་གི་དུར་ཁྲོད་དུ།། མཁའ་འགྲོ་རྣ་ཉན་འདུས་པ་ལྟར།། ལྷུང་ཞིང་སྲོག་གཅོད་ཕུང་བར་འགྱུར།། ཨ་ར་ལི་རྙོག་པ་མེད་པའི་རྒྱུད་ལས།། བསྟན་པ་དམ་པ་ལ་གདམས་པའི་ལེའུ་སྟེ་བཅུ་གཅིག
47a2 པའོ།། །། ཨ་ར་ལི་རྙོག་པ་མེད་པའི་རྒྱུ་ཟབ་མོ་རྫོགས་སོ།། །། @#།། རྒྱ་གར་སྐད་དུ།། དྷརྨ་རྦཱརྠ་དེ་ཤ།། བོད་སྐད་དུ།། ཆོས་ཐམས་ཅད་ཀྱི་དོན་བསྟན་པ།། ཀ་དག་ཡེ་རྫོགས་དང
47a3 ལ་ཕྱག་འཚལ་ལོ།། འདི་སྐད་བདག་གིས་བསྟན་པའི་དུས་གཅིག་ན།། གནས་འོག་མིན་ཆོས་ཀྱི་ཕོ་བྲང་དུ།། སྟོན་པ་རིག་སྟོང་ཀུན་ཏུ་བཟང་།། ལོངས་སྐུ་རྡོ་རྗེ་འཆང་དུ་སྤྲུལ།། ཞལ་ཕྱག་རྣམ་པར་སྐུ་བཞེངས
47a4 ནས།། འཁོར་ནི་ཞི་ཁྲོ་སངས་རྒྱས་དཔག་ཏུ་མེད།། ཁྱད་པར་སྐུ་ཡི་འཁོར་ནི་འདི་ལྟ་སྟེ།། རྡོ་རྗེ་རིགས་དང་རིན་ཆེན་རིགས།། པདྨའི་རིགས་དང་ལས་ཀྱི་རིགས།། བདེ་གཤེགས་རིགས་ལ་སོགས་པ་དང་།། སངས
47a5 ས་ཆོས་དང་དགེ་འདུན་དང་།། བྱང་ཆུབ་སེམས་དཔའ་དཔག་ཏུ་མེད།། ཕྱི་བའི་འཁོར་ནི་འདི་ལྟ་སྟེ།། དབང་ཕྱུག་ཆེན་པོ་དང་།། མུ་སྟེགས་མུར་ཐུག་རྒྱང་འཕེན་དང་།། ལྷ་དང་ལྷ་མིན་དྲི་ཟས་བསྐོར།། གསུང་གི
47a6 འཁོར་ནི་འདི་ལྟ་སྟེ།། ཉན་ཐོས་རང་རྒྱལ་བྱང་ཆུབ་སེམས།། ཀྲི་ཡ་ཨུ་པ་ཡོ་ག་དང་།། མ་ཧཱ་ཨ་ནུ་ཨ་ཏི་དང་།། རྡུལ་དང་རྡུལ་ཕྲན་སྙིང་སྟོབས་གསུམ།། ཕྱི་ཡི་རྟག་ཆད་མུ་བཞིས་བསྐོར།། ཐུགས་ཀྱི་འཁོར་ནི་འདི་ལྟ
iiif viewer powered by OpenSeadragon
