| e-texts navigator |
| Wylie |
46b1 གཅིག་བྲལ།། མ་བཅོས་དོན་ལས་འདའ་མི་བྱ།། ཨ་ར་ལི་རྙོག་པ་མེད་པའི་རྒྱུད་ལས།། མཐའི་སྐྱོན་མེད་པར་གནས་པའི་ལེའུ་སྟེ་བཅུ་པའོ།། །། དེ་ནས་རང་བྱུང་ཨ་ར་ལི།། རྙོག་མེད་ཐིག་ལེ་རྫོགས་པའི
46b2 སྐུ།། ཨ་ཏི་ཡོ་ག་སེམས་ཀྱི་ལུང་།། སྒྲོ་སྐུར་བཅད་པ་སེམས་ཉིད་ཀློང་།། བསྟན་པའི་སྙིང་པོ་དུས་གཅིག་རྫོགས།། བསམ་གཏན་དྲི་མེད་རྫོགས་པའི་རྒྱུད།། ཐོས་པ་ཙམ་གྱིས་ཀུན་གྲོལ་ནས།། འབད་མེད་ལྷུན་རྫོགས
46b3 ས་ལ་སྦྱོར།། བརྡ་དོན་བཀྲོལ་བས་བཅིངས་པ་བཅད།། བདེ་ཆེན་མཐོང་བས་རྫོགས་སངས་རྒྱས།། འཇིགས་པ་མེད་པས་བདུད་རྣམས་བཏུལ།། མ་བརྗོད་བསྟན་པ་རྒྱ་མཚོའི་ཀློང་།། རིག་པ་མཁའ་འགྲོ་ཡེ་ཤེས
46b4 རྫོགས།། རིན་ཆེན་ལྷུན་རྫོགས་སྙིང་པོ་འདི།། དད་དང་དམ་ཚིག་ལྡན་པ་དང་།། ཆོས་ལ་ཕྱོགས་རིས་མེད་པ་དང་།། བླ་མ་སྲོག་ཏུ་འཛིན་པ་དང་།། ལུས་སྲོག་རྫས་ལ་འཕངས་མེད་དང་།། ཏིང་འཛིན་ཤེས་རབ་རྫོགས
46b5 པ་དང་།། མན་ངག་གཏེར་དུ་འཛིན་པ་དང་།། དམ་པའི་དོན་ལས་མ་ཡེངས་དང་།། སྒྲོ་དང་སྐུར་པ་ཞི་བ་དང་།། རྟོགས་ནས་དོན་ལ་སྒོམ་པ་ལ།། གསང་བའི་གཏེར་ཁ་དབྱེ་བར་བྱ།། གང་ཞིག་ཡོན་ཏན་མི
46b6 ལྡན་ཞིང་།། སྐྱོན་ལྡན་དམ་མེད་སློབ་མ་ལ།། བརྟག་དང་དམ་ཚིག་མི་ཤེས་པར།། རྒྱལ་ཐབས་གསག་པའི་དབང་བསྐུར་ཞིང་།། རྣ་བརྒྱུད་ཐུགས་ཀྱི་ལུང་བྱིན་ཏེ།། རྫོགས་ཆེན་ཀློང་དགུའི་རྒྱུད་བཤད་ན།། འདམ་ཤོད
iiif viewer powered by OpenSeadragon
