| e-texts navigator |
| Wylie |
46a1 བྱས་པས།། བརྡ་དོན་བཀྲོལ་ནས་རྒྱལ་གྲལ་བཞག། བདེ་ཆེན་དབང་ཕྱུག་ཕུན་སུམ་ཚོགས།། དང་པོར་ངེས་པའི་དོན་ཐོབ་ནས།། རིན་ཆེན་བླ་མ་སྣ་རྩེའི་རིམ།། བགྲོད་མེད་རིན་ཆེན་སེམས་ཀྱི
46a2 ལམ།། སྒོམ་དུ་ཡོད་མེད་བརྡ་བཀྲོལ་ནས།། དབུ་མ་དྲང་བའི་ལམ་ལ་སྦྱར།། བཀའ་བཞིན་རྗེས་སུ་ནན་ཏན་བྱ།། རིན་ཆེན་ལམ་གྱི་སྟོབས་མེད་ན།། ཐ་མལ་གནས་དང་མཚུངས་འགྱུར་ན།། བགྲོད་རྩོལ་འཇིག་རྟེན
46a3 ལམ་འགྱུར་ཞིང་།། མི་འགལ་རྣལ་མའི་དོན་ལ་སྦྱར།། དེ་ནས་བར་ཆད་མེད་པ་ཡིས།། དྲི་མེད་གསལ་བའི་བསམ་གཏན་བྱ།། ལྷག་པའི་བསམ་པ་དྲི་མེད་སེམས།། མ་བཅོས་ལྷུག་པར་གནས་པས་རྫོགས།། དབང
46a4 པོ་གང་ཡང་ནུབ་འགྱུར་ཞིང་།། ཉམས་མྱོང་རིམ་པ་བསམ་མི་ཁྱབ།། གདོད་ནས་བཙལ་མེད་དོན་རྟོགས་པས།། ཐ་མལ་པ་ནི་མི་རྟག་རྐྱེན་དུ་གྱུར་པས་ཏེ།། མི་རྟག་རྐྱེན་གྱིས་ཤི་བའི་རོ་དག་ལ།། དང་པོ་འདི་ཉིད
46a5 འདོད་ཆགས་རྒྱུ་ཡིས་ལས་རྣམ་གྲོལ་ཞིང་།། གང་ཡང་མ་བཀག་རྫོགས་པས་ན།། འགོག་དང་ཆད་པའི་མཐའ་དང་བྲལ།། བདེ་ཆེན་ཉམས་མྱོང་དོན་ལྡན་པས།། བཏང་སྙོམས་མཐའ་དག་བསལ་བ་ཡིན།། སྟོང་དང
46a6 སྙིང་རྗེ་རྒྱས་བཏབ་པས།། རང་རིག་སེམས་པའི་མཐའ་དང་བྲལ།། གདོད་ནས་ཕྱོགས་རིས་མི་གནས་པས།། ཕྱོགས་མེད་འོད་གསལ་ལྷུན་གྲུབ་ཡིན།། མི་རྩོལ་དེ་བཞིན་གཅིག་པའི་ཕྱིར།། ས་ལམ་ཐེག་སྐྱོན་དུས
iiif viewer powered by OpenSeadragon
