| e-texts navigator |
| Wylie |
45b1 ལས།། མ་བཅོས་བདེ་བར་གནས་པའི་ལེའུ་སྟེ་དགུ་པའོ།། །། དེ་ནས་རང་བྱུང་བདེ་བའི་རྒྱལ།། མ་བཅོས་རྫོགས་པའི་ཨ་ར་ལི།། ཐམས་ཅད་གསང་བའི་ཀློང་ཆེན་ཉིད།། བདག་ཉིད་རྩོལ་བྲལ་དོན་ལ
45b2 བཞུགས།། རྙོག་བྲལ་དྲངས་མའི་སྙིང་པོར་ནི།། མ་ལུས་གཅིག་དང་ཐ་དད་མིན།། དུས་གསུམ་རྒྱལ་བའི་དགོངས་པའི་དོན།། རྣ་བརྒྱད་དགོངས་པའི་ཚིག་བཀྲོལ་ནས།། རྟོགས་པའི་ཀློང་ཆེན་ཡོངས་བརྡལ
45b3 བའོ།། རིག་པ་རྫོགས་ཆེན་ཟབ་མོ་ལ།། གོལ་དང་སྒྲིབ་པའི་ཆོས་མེད་པས།། མ་བརྙོགས་དག་པས་དྲངས་པ་ལྟར།། མ་ལུས་འབྱུང་ཡང་ཐ་དད་ཡིན།། དེ་དག་རང་བཞིན་གང་ཡིན་པ།། རྒྱས་བཏབ་དབྱེར་མེད་དུས
45b4 ན་གསལ།། མ་ལུས་སངས་རྒྱས་དབྱེར་མེད་མེད་དེ།། དེ་དག་ཤེས་དང་མ་ཤེས་ལས།། བློ་ཡི་ཁྱད་པར་གསལ་བར་འབྱུང་།། བདེ་མཆོག་མ་ཡེངས་བརྟན་པར་གནས།། དེ་དག་ཙམ་གྱིས་རྫོགས་པ་ཡིན།། རྙོག་མེད
45b5 རིག་པ་བདེ་བའི་སེམས།། བཅིངས་མེད་བདེར་བཞག་ཉིད་དང་མཚུངས།། འབད་མེད་རང་བཞག་གོམས་པའི་ཚུལ།། གསེར་ལྟར་མི་འགྱུར་གདམས་པའི་ལུང་།། བཙལ་བས་འཆིང་འགྱུར་བཏང་ན་གྲོལ།། ཐམས
45b6 ཅད་དེ་ལྟར་གནས་པ་ཡིན།། བདེ་ཆེན་ཐིག་ལེར་མཚམས་སྦྱར་ནས།། མ་ཡེངས་གནས་ན་ལྷུན་གྲུབ་སྟེ།། བདག་ཉིད་རྣམ་གྲོལ་མཁའ་ལ་འགྲོ།། གདམས་ངག་ལེགས་པར་ཐོབ་འདོད་པས།། རིན་ཆེན་ཕུང་པོ་ཕུལ
iiif viewer powered by OpenSeadragon
