| e-texts navigator |
| Wylie |
45a1 གསལ་བར་གནས།། ཟབ་མོ་བརྟག་པར་དཀའ་བའི་སེམས།། ཇི་བཞིན་མ་བཅོས་དེ་ལྟར་གནས།། རང་བྱུང་ཐུགས་རྗེའི་བྱིན་བརླབས་ལས།། ཇི་ལྟར་འདོད་པ་དེ་ལྟར་སྣང་།། འདོད་པའི་དངོས་པོ
45a2 མཐོང་ཚོར་རྣམས།། དེ་དག་རོལ་པར་སྣང་བ་ཡིན།། རང་སེམས་མཐོང་སྣང་ཡེ་ཤེས་དག། དེ་དག་གང་དང་གང་འཐད་པར།། རིན་ཆེན་གསང་བའི་གཏེར་སྤྲད་པས།། འབད་པ་མེད་པས་གྲོལ་བ་ཡིན།། གཏང་དང
45a3 བཟུང་དང་གང་དགར་བཞག། དུས་གཅིག་རྫོགས་ན་གྲོལ་བར་འགྱུར།། ཆོས་སྐུ་ཨ་ར་ལི་དག་ཉིད།། བྱིན་བརླབས་མ་བསྐྱེད་རྫོགས་པ་ཡིན།། དེ་ཡོད་ཀུན་རྫོགས་ཡེ་ནས་གནས།། དེ་མེད་རིན་ཆེན་གཏེར་དང
45a4 བྲལ།། གཏེར་མེད་མཐོངས་ལས་ཡེངས་པ་མེད།། བཏང་གཟུང་བྲལ་བའི་རང་བཞག་སེམས།། མི་གཡོ་བྱིན་བརླབས་འོད་ལྟར་འཕྲོ།། མ་བཙལ་རྫོགས་པའི་རང་བཞིན་སེམས།། དངས་སྙིགས་མེད་པའི་སྙིང
45a5 པོར་ཟིམ།། འདྲེས་པས་དག་པའི་འོད་ཀྱིས་ཁྱབ།། བདེ་ཆེན་གསང་བྲལ་རྟོག་བྲལ་བློ།། ཅེ་དགར་ནས་ཀྱང་གཡོ་བ་མེད།། རྟེན་མེད་སེམས་ཀྱི་རང་བཞིན་ལས།། བརྟེན་དང་རྟེན་པར་དབྱེར་མེད་དེ།། བདེ་ཆེན་ནམ
45a6 མཁའི་ཁམས་སུ་གསལ།། བསྐལ་པ་ཐོག་མཐའ་མེད་པ་རུ།། ཡེངས་པ་མེད་པར་ཅི་དགར་ཞོག། ལས་དང་དྲི་མའི་བག་ཆགས་ཀུན།། རང་དག་ལྷུན་རྫོགས་སྙིང་པོར་གསལ།། ཨ་ར་ལི་རྙོག་པ་མེད་པའི་རྒྱུད
iiif viewer powered by OpenSeadragon
