| e-texts navigator |
| Wylie |
44b1 མེད།། དེ་ལྟར་དུས་གསུམ་མ་ཡེངས་པས།། བདེ་ཆེན་རྫོགས་པས་སངས་རྒྱས་སོ།། བདེ་བའི་ཡུལ་ཆེན་འོད་འབར་བ།། རྒྱུ་རྐྱེན་བྲལ་བར་ཐབས་ཀྱིས་རྟོགས།། རྟེན་འབྲེལ་ཤེས་པ་གློད་པས་གྲོལ།། བསྒྲིམས་པར
44b2 འཆིང་འགྱུར་གཞན་དུ་མིན།། བཀག་པས་མུན་པ་འགོག་པ་ཉིད།། ཞེན་པས་ཐ་མལ་འདུ་ཤེས་ཉིད།། བཏང་སྙོམས་རྙོག་པ་བདེ་རིགས་མེ།། དེ་དག་མ་གསལ་བྲལ་བར་གནས།། བསྒོམས་ཤིང་བཙལ་བས་རྩོལ
44b3 རྙོག་རྒྱུ།། མ་བཙལ་ཐ་མལ་གླིང་ཉིད་གསུམ།། བསམ་གཏན་གཟུགས་མེད་བྱོལ་སོང་གནས།། འདི་དག་རང་བཞིན་ཀུན་དག་ནས།། ཀུན་ཀྱང་ལེགས་པར་སྨིན་པར་བྱ།། རྙོག་མེད་དག་པའི་ཆུ་བཞིན་ནོ།། ཨ་ར
44b4 ལི་རྙོག་པ་མེད་པའི་རྒྱུད་ལས།། བདེ་བ་ཆེན་པོ་ཉིད་ལས་མི་གཡོ་བའི་ལེའུ་སྟེ་བརྒྱད་པའོ།། །། དེ་ནས་རང་བྱུང་རྒྱལ་པོ་ཉིད།། རྙོག་མེད་བདེ་བའི་དོན་ལ་བཞུགས།། ངོ་མཚར་གཉུག་མ་སྙིང་པོ་ཉིད།། དྭངས
44b5 སྙིགས་མེད་པར་གནས་པར་བྱ།། གང་ཞིག་རྒྱུ་དང་མི་རྒྱུ་ལས།། དྲངས་སྙིགས་བློ་ནི་གསལ་བར་འབྱུང་།། རྣམ་པར་རྟོག་བྲལ་རིན་ཆེན་སེམས།། གང་བཏང་འགྱུར་མེད་དབྱིངས་ལ་བཞུགས།། གར་བཞག་གཡོ་མེད
44b6 བདེ་བའི་སེམས།། གང་ལྟར་བཞག་ཀྱང་བཏང་བཞག་བྲལ།། བརྙོགས་དང་མ་བརྙོགས་ཅིར་བརྟགས་ཀྱང་།། མ་བཅོས་སེམས་ལ་དེ་དག་མེད།། གསལ་ལ་མི་གཡོ་ཐིག་ལེར་གསལ།། འབྱུང་འཇུག་མེད་པར
iiif viewer powered by OpenSeadragon
