| e-texts navigator |
| Wylie |
44a1 ཉིད།། མཐའ་བྲལ་ཡེ་ཤེས་གང་རྟོགས་ན།། མཐའ་དབུས་འདུ་ཤེས་ཅིར་མི་འཇུག། སེམས་ལས་གཞན་མེད་ཡེ་ཤེས་ལས།། ལྷུན་གྱིས་གནས་པས་བཙལ་དུ་མེད།། མ་ཡེངས་བར་ཆད་མེད་པའི
44a2 ལམ།། འདུ་འབྲལ་མེད་པར་གཞག་པར་བྱ།། འདི་ལྟར་རང་བཞིན་ཞི་བ་ལ།། བསམ་པའི་འདུ་ཤེས་རྒྱུ་བ་ཆད།། ཡལ་བ་ཕྱལ་བ་འདུ་ཤེས་མེད།། བཏང་སྙོམས་སྟོང་པ་ཆེད་བྱས་སོགས།། རྫོགས་པའི་ཡེ་ཤེས་ཆེན
44a3 པོ་ལ།། དེ་དག་མ་ལུས་ཀུན་གྱིས་སྟོང་།། དེ་དག་རྗེས་སུ་གང་འཇུག་པ།། ལོག་པའི་བསམ་གཏན་ཉིད་དུ་འགྱུར།། གང་བསྒོམས་རྟོག་དཔྱོད་ཀུན་བརྟགས་པ།། སྒོམ་པའི་ལོག་པའི་ལྕགས་ཀྱིས་བསྡམས།། རང
44a4 བཞིན་རྟོགས་པས་སྒོམ་མི་དགོས།། གང་དགར་བཞག་ཀྱང་མི་གཡོ་བ།། རང་བྱུང་རྫོགས་པའི་དྲོད་ཚད་ཡིན།། དུས་གསུམ་རྫོགས་པའི་ངོ་བོ་ལ།། ཇི་བཞིན་གསལ་བར་གནས་པ་ཡིན།། བཙལ་མེད་མར་མེད་ཆུ་བོ
44a5 ལྟར།། དེ་བཞིན་སེལ་མེད་སངས་རྒྱས་ཉིད།། ཡེངས་ཤིང་བརྟགས་པས་སེམས་ཅན་ནོ།། གདོད་ནས་རྫོགས་ལ་དེ་མེད་པས།། མཐའ་དབུས་སྙིང་པོ་ཅིར་མི་དགོངས།། གང་ལྟར་ཡིན་པ་དེ་ལྟར་ཡིན།། སྣང་བརྟགས
44a6 ཀུན་བྲལ་དྭངས་མའི་ཡིད།། ཡེངས་མེད་གསལ་བས་བསམ་གཏན་ཡིན།། མ་བཅོས་རྫོགས་པའི་ངོ་བོ་ལ།། མ་བསླད་རིག་པ་རང་བཞིན་ཞོག། མི་འཇུག་མི་འབྱུང་ཡུལ་དང་བྲལ།། ཐིག་ལེ་ཉིད་ལས་སྤྲོ་བསྡུ
iiif viewer powered by OpenSeadragon
