| e-texts navigator |
| Wylie |
43b1 མེད།། ཐུགས་རྗེའི་སྤྱོད་པ་ཕྱོགས་རིས་མེད།། འཇིག་རྟེན་ཀུན་གྱིས་སྤངས་པའི་ཆོས།། ཐབས་ལྡན་སྐྱེས་བུས་གང་སྤྱད་པ།། ཡེ་ཤེས་མཆོག་ཏུ་གཅིག་པའི་ཕྱིར།། ཡེ་ཤེས་རྫོགས་པའི་སྤྱོད་པར་བཤད།། དངོས
43b2 དབང་ཇི་བཞིན་དོན་རྟོགས་ན།། བསམ་པའི་ཕྱག་རྒྱ་འདུལ་དབང་དུ།། མ་ངེས་དེ་ལྟར་ཅི་ཡང་རུང་།། ཡེ་ཤེས་རོལ་པ་མཆོག་ཏུ་ངེས།། ཨ་ར་ལི་རྙོག་པ་མེད་པའི་རྒྱུད་ལས།། དེ་བཞིན་ཉིད་ལ་གནས་པ་དང་སྤྱོད
43b3 པའི་ལེའུ་སྟེ་བདུན་པའོ།། །། དེ་ནས་རང་བྱུང་རྒྱལ་པོ་ཉིད།། ཆོས་ཀུན་རང་སེམས་རྫོགས་པའི་ལུང་།། ཨ་ར་ལི་ལ་རྫོགས་པར་གནས།། ཐོག་མ་ཐ་མ་མེད་པའི་དངོས།། སྤྲིན་མེད་མཁའ་ལྟར་གསལ་བ
43b4 ཉིད།། ཡེ་ཤེས་རྒྱས་འདེབས་བདག་ཉིད་ལ།། སྙོམས་འཇུག་ཉིད་དུ་རིག་པར་བྱ།། རྙོག་བྲལ་དྲངས་པའི་ཡེ་ཤེས་ཉིད།། ཁྱབ་པ་ཆེན་པོ་ཆོས་ཀྱི་སྐུ།། ནམ་མཁའི་མཐའ་ལྟར་སྙོམས་པར་གནས།། དང་པོར་ཡེ་ཤེས
43b5 ངོས་བཟུང་ནས།། ཕྱི་ནས་རང་བྱུང་གཡོ་མེད་གཞག། ཡེངས་པ་མེད་པའི་རང་བཞིན་ཉིད།། ལྷུན་གྱིས་གནས་པ་རྫོགས་པ་ཡིན།། ཐོགས་པ་མེད་པའི་ཡེ་ཤེས་ཀྱིས།། ཀུན་ཀྱང་རང་བྱུང་སྙིང་པོར་མཐོང་།། བདེ
43b6 མཆོག་རྩོལ་བྲལ་བྱང་ཆུབ་སེམས།། ཅི་དགར་བཞག་ཀྱང་གཡོ་བ་མེད།། རང་བྱུང་གཡོ་མེད་ཡེ་ཤེས་ཉིད།། ཐམས་ཅད་སྤྱོད་ཡུལ་བདེ་ཆེན་དུ།། དབང་བསྐུར་གང་དེའི་ཐབས་ཐོབ་པ།། དེ་ཕྱིན་ཆད་ནི་ལྷུན་གྲུབ
iiif viewer powered by OpenSeadragon
