| e-texts navigator |
| Wylie |
43a1 བཀག་འཛིན་པ་འགགས།། ཤེས་པ་མི་འགག་རྟག་པ་འགག། བརྟག་མེད་རང་སྣང་འདུ་ཤེས་མེད།། མི་རྟོག་རྣམ་གྲོལ་བདེ་ཆེན་ཐུགས།། བསྐྱོད་པ་མེད་པ་ཅི་དགར་ཞོག། འཇུག་མེད་རང་བྱུང
43a2 གསལ་བའི་ཡིད།། རྙོག་བྲལ་བསམ་པའི་ངོ་བོས་སྟོང་།། ཐིག་ལེ་ཆེན་པོ་འདུ་འཕྲོ་མེད།། གསང་བ་རང་རིག་བསམ་མི་ཁྱབ།། ཡེ་ཤེས་གསང་བ་རིག་པའི་ཉམས།། བདག་ལ་གནས་པ་གཞན་གྱིས་གསལ།། གཞན
43a3 མེད་རིག་པ་བདེ་ཆེན་སེམས།། བདག་གཞན་རྣམ་རྟོག་འཁྲུལ་བའི་སེམས།། འཁྲུལ་མེད་སེམས་ལ་བདག་གཞན་མེད།། འཁྲུལ་པ་བཅད་པའི་ཡེ་ཤེས་ཉིད།། རང་བྱུང་རོལ་པ་ཉིད་དུ་སྣང་།། སྣང་བརྟགས་ཞན་པ
43a4 མ་ལུས་པ།། ཡེ་ཤེས་རིག་པའི་སྟོབས་ཀྱིས་དག། རང་རིག་མི་སྐྱེ་འགག་པ་མེད།། བསམ་པ་ཀུན་ཟད་ཟག་པ་མེད།། ཡེ་ཤེས་གོམས་པའི་ཀློང་ན་གནས།། ཐུགས་རྗེ་བྱིན་རླབས་མཁའ་ལྟར་ཁྱབ།། ཡེ་ཤེས་ཆོས་ཀྱི
43a5 དབྱིངས་ལ་སྦྱོར།། ཞེན་པ་མ་ལུས་ཀུན་བཅད་པས།། ཡེ་ཤེས་ཕྱོགས་མེད་གསལ་བར་འཆར།། ཏི་ནི་གསལ་བ་རིག་པའི་ལུང་།། རྗེས་སུ་ཞུགས་པས་རང་བཞིན་གྲོལ།། བཅིངས་མེད་གྲོལ་བ་ཐབས་ཀྱི་ལམ།། གང
43a6 ལྟར་བསམ་པ་ཕྱིན་ཅི་ལོག། གང་ལྟར་རྟོགས་པ་ལོག་པའི་ལམ།། བཅིངས་པ་མེད་པས་གྲོལ་བ་མེད།། རང་བཞིན་རིག་པས་གྲོལ་བ་མེད།། རྙོག་བྲལ་ཡེ་ཤེས་གསལ་གྱུར་ན།། ཡེ་ཤེས་སྤྱོད་པ་སྤོང་ལེན།
iiif viewer powered by OpenSeadragon
