| e-texts navigator |
| Wylie |
42a1 བྲལ་ཞིང་།། འདུ་ཤེས་མེད་པས་དབྱིངས་ལ་རྫོགས།། འབྱུང་འཇུག་སྤངས་པས་ཡེངས་པ་མེད།། དུས་གཅིག་གསལ་བས་རིམ་པ་མེད།། ཨ་ར་ལི་རྙོག་པ་མེད་པའི་རྒྱུད་ལས།། རྣ་བརྒྱད་གདམས་པའི
42a2 ལེའུ་སྟེ་ལྔ་པའོ།། །། དེ་ནས་རང་བྱུང་རྒྱལ་པོ་སྟེ།། དུས་གསུམ་རྒྱལ་བ་ཀུན་གྱི་བདག། རྫོགས་པའི་རང་བཞིན་གཉིས་མེད་ཉིད།། མ་བརྗོད་རང་བཞིན་གསལ་བར་འཆད། གང་ཕྱིར་རྙོག་པས་རྙོག་པ
42a3 སྟེ།། དངོས་པོ་ཉིད་ཀྱང་རྙོག་པ་སྟེ།། དེ་མེད་དེ་ཡང་དེ་དང་མཚུངས།། གཉིས་ཀའི་མཐའ་འདས་དེ་ཉིད་རྙོགས།། འཛིན་པ་མ་ལུས་རྙོག་པ་ཡིས།། དྲི་མ་རྙོག་པའི་ངོ་བོ་ཉིད།། བདེ་ཆེན་ནམ་མཁའི་ཁམས་ལྟར
42a4 གསལ།། རྙོག་པ་མེད་པས་གསལ་དུའང་མེད།། དགྲ་མེད་འཇིགས་པ་སྤང་མེད་ཚུལ།། སྔོན་དུ་བླ་མ་ཉེས་པ་ཡིས།། རང་སེམས་དྲི་མེད་ངོས་བཟུང་ནས།། ཡེ་ཤེས་རྫོགས་པའི་ངོ་བོ་ལ།། གློ་བུར་རྩོལ་བས་རྙོག་མི
42a5 བྱ།། དངས་པར་འདོད་ཚོལ་རྙོག་པ་ལྟར།། དེ་བཞིན་དྲི་མེད་རིན་ཆེན་སེམས།། རང་བཞིན་ཆེས་བྱས་རྩོལ་བས་རྙོགས།། དེ་དག་བྲལ་བའི་ཐབས་བསྟན་པས།། དྲི་མེད་འོད་གསལ་ལྷུན་གྲུབ་འགྱུར།། བདེ་ཆེན་ཁྱབ
42a6 པའི་རོས་གང་ཞིང་།། གསལ་ལ་འབྱུང་འཇུག་སྤྱད་པའི་སེམས།། གང་དུ་མ་བཙལ་གྱི་ནར་བཞག། འདི་ནི་རིན་ཆེན་གཉིས་མེད་སེམས།། རང་རིག་འོད་གསལ་རྣམ་པར་དག། ཡེ་ཤེས་ལྷུན་གྱིས་རྫོགས་པ
iiif viewer powered by OpenSeadragon
